پاکستان
امریکی سفیر ڈونلڈبلوم کی نواز شریف اور جہانگیر ترین سے ملاقات کی اندرونی کہانی
امریکی سفیر نے نوازشریف کو وطن واپسی پر مبارک باد
![امریکی سفیر ڈونلڈبلوم کی نواز شریف اور جہانگیر ترین سے ملاقات کی اندرونی کہانی](/media/86586/conversions/news-1700369200-4750-1280x720.jpg)
امریکی سفیر ڈونلڈ بلوم کی نوازشریف اور جہانگیر ترین سے ملاقات کی اندرونی کہانی سامنے آگئی۔
تفصیلات کے مطابق ذرائع ن لیگ کا کہنا ہے کہ امریکی سفیر نے سب سے پہلے نوازشریف کی صحت بارے دریافت کیا ۔امریکی سفیر نے نوازشریف کو وطن واپسی پر مبارک باد بھی دی۔ ڈونلڈ بلوم نے نواز شریف کو کہا کہ اس میں کوئی شک نہیں آپ پاکستان کے ایک بڑے لیڈر ہیں۔
ذرائع کا کہنا ہے کہ نوازشریف نے ہنستے ہوئے جواب دیا کہ لگتا ہے آپ میرے بارے ساری معلومات لیکر آئے ہیں۔ دونوں کے درمیان عام انتخابات اور پاکستان کی معاشی صورتحال پر بات ہوئی۔
ذرائع کے مطابق نواز شریف نے کہا کہ معاشی صورتحال میں بہتری کےلیے ہمارے پاس مکمل ایجنڈا اور پلان موجود ہے۔ دو طرفہ تعلقات پر نواز شریف کا کہنا تھا کہ ہم عزت دو اور عزت لو والے فارمولے پر چلیں گے۔ہم کسی سیاسی جماعت پر پابندی کے حق میں نہیں عوام کو فیصلہ کرنے دیں۔
ذرائع کا کہنا ہے کہ جہانگیر ترین سے ملاقات میں تحریک انصاف چھوڑنے کی وجوہات پر بات ہوئی ۔ جہانگیرترین نے جواب دیتے ہوئے کہا کہ عوام اور تحریک انصاف کی بڑی تعداد ہمارے ساتھ ہے۔جہانگیر ترین اور وفد سے ملاقات کے دوران ملکی معیشت پر بھی گفتگو ہوئی۔
پاکستان
سیاستدانوں کے آپس میں مذاکرات ہونے چاہئیں، چیئرمین سینیٹ
نوجوان دنیا کو تبدیل کرنے کی طاقت رکھتی ہے، پاکستانی قوم متحد ہے، یوسف رضا گیلانی
![سیاستدانوں کے آپس میں مذاکرات ہونے چاہئیں، چیئرمین سینیٹ](/media/116776/conversions/Gilani-1280x720.jpg)
چیئرمین سینیٹ یوسف رضا گیلانی نے کہا کہ سیاستدانوں کے آپس میں مذاکرات ہونے چاہئیں۔
راولپنڈی میں یوسف رضا گیلانی بزنس تقریب سے خطاب کرتے ہوئے کہا کہ آج مجھے خوشی ہوئی کہ اتنی بڑی تعداد میں نوجوان اکٹھے ہوئے ہیں، پاکستان میں سب سے زیادہ کردار نوجوان کا ہے نوجوانوں میں سے مستقبل کا کوئی وزیراعظم، صدر، چیئرمین سینیٹ ہوگا۔
یوسف رضا گیلانی نے کہا کہ نوجوان دنیا کو تبدیل کرنے کی طاقت رکھتی ہے، پاکستانی قوم متحد ہے۔
چیئرمین سینیٹ نے کہا کہ معاشی ترقی کا انحصارپالیسیوں کے تسلسل میں ہے، ملکی ترقی کیلئے سب کو مل کر اپنا کردار ادا کرنا ہوگا، آپ کسی لیڈر سے اختلاف کرسکتے ہیں پاکستان سے نہیں، مجھ سمیت کسی سے بھی اختلاف کرسکتے ہیں مگر ملک سے کوئی اختلاف نہیں کرسکتا، پاکستان کی فوج اور سکیورٹی فورسز اپنا آج آپ کے مستقبل پر قربان کررہی ہیں۔
یوسف رضا گیلانی نے کہا پاکستان کی فورسز اپنا آج مستقبل کے لیے قربان کررہی ہیں، جبکہ درخواست کی کہ تمام سیاسی جماعتوں سے گزارش کروں گا کہ قوم کو متحد کریں، پاکستان کی تعمیر و ترقی کے لیے تمام سیاسی جماعتیں متحد ہوں۔
کھیل
راولپنڈی ٹیسٹ، بنگلہ دیش کی پوری ٹیم پہلی اننگز میں 262 رنز پر آؤٹ
پاکستان کو بنگلہ دیش کے خلاف 12 رنز کی برتری حاصل ہے
![راولپنڈی ٹیسٹ، بنگلہ دیش کی پوری ٹیم پہلی اننگز میں 262 رنز پر آؤٹ](/media/116805/conversions/BeFunky-collage1-75-1280x720.jpg)
راولپنڈی کرکٹ اسٹیڈیم میں کھیلے جانیوالے ٹیسٹ میچ میں بنگلہ دیش کی پوری ٹیم پہلی اننگز میں 262 رنز پر آؤٹ ہوگئی۔ پاکستان کو بنگلہ دیش کے خلاف 12 رنز کی برتری حاصل ہے۔
بنگلہ دیش ٹیم کے 26 رنز پر 6 کھلاڑیوں کے آؤٹ ہونے کے بعد لٹن داس نے ٹیم کو سنبھالا اور 138 رنز کی شاندار اننگز کھیلی۔ مہدی حسن نے بھی اچھی بیٹنگ کا مظاہرہ کرتے ہوئے 78 رنز بنائے۔
.@SalmanAliAgha1 gets the last two wickets ☄️
— Pakistan Cricket (@TheRealPCB) September 1, 2024
Bangladesh are all out for 262 as Pakistan earn a 12 runs lead 🏏#PAKvBAN | #TestOnHai pic.twitter.com/YPRVEz9tzV
دیگر کھلاڑیوں میں شادمان اسلام 10، نجم الحسن 4، مشفق الرحیم 3، شکیب الحسن 2، مومن الحق اور ذاکر حسن ایک ایک رن بنا کر آؤٹ ہوئے۔
پاکستان ٹیم کی جانب سے خرم شہزاد نے 6 کھلاڑیوں کو آؤٹ کیا، جبکہ میر حمزہ اور سلمان علی آغا نے 2،2 وکٹیں حاصل کیں۔ پاکستانی ٹیم اپنی پہلی اننگز میں 274 رنز بنا کر آؤٹ ہوئی۔
دنیا
ناروے کی شہزادی نے روحانی پیشوا سے شادی کرلی
مارتھا لوئیس نے اپنے عجیب و غریب خیالات اور طرز زندگی کی وجہ سے شاہی خاندان سے کنارہ کشی اختیار کرلی تھی
![ناروے کی شہزادی نے روحانی پیشوا سے شادی کرلی](/media/116777/conversions/Princes-1280x720.jpg)
اوسلو: ناروے کی شاہی خاندان سے باغی شہزادی مارتھا لوئیس نے اپنے روحانی پیشوا ڈیرک ویریٹ سے ایک شاندار ساحلی تقریب میں شادی کرلی ہے۔ اس شادی میں 300 سے زائد مہمانوں نے شرکت کی۔
مارتھا لوئیس نے اپنے عجیب و غریب خیالات اور طرز زندگی کی وجہ سے شاہی خاندان سے کنارہ کشی اختیار کرلی تھی۔ ان کا دعویٰ ہے کہ وہ ایک روحانی شخصیت ہیں ،جنات اور فرشتوں سے باتیں کرتی ہیں۔
ان کی شادی نے نہ صرف ناروے بلکہ پوری دنیا میں کافی ہلچل مچا دی ہے۔ شہزادی کے شوہر ڈیرک ویریٹ بھی ایک خود ساختہ روحانی پیشوا ہیں جو بدروحوں اور آسمانی مخلوق کے ساتھ رابطے کا دعویٰ کرتے ہیں۔
مارتھا لوئیس نے جنات اور فرشتوں سے ہونے والی گفتگو اور اپنے روحانی سفر پر کتب بھی لکھی ہیں۔ ان کی پہلی شادی نارویجن مصنف ایری بیہن سے ہوئی تھی اور ان کی 3 بیٹیاں ہیں۔ 2016 میں ان کی طلاق ہوگئی اور ان کے سابق شوہر نے 3 سال بعد خودکشی کرلی تھی۔ جون 2020 میں انہوں نے ڈیرک ویریٹ سے منگنی کا اعلان کیا تھا۔
ڈیرک ویریٹ کا کہنا ہے کہ وہ اپنے پہلے جنم میں فرعون تھے اور مارتھا کوئیس ان کی بیوی تھیں۔
-
پاکستان 2 دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
پاکستان 2 دن پہلے
فراڈ الیکشن باعث سیاسی عدم استحکام اور دہشت گردی میں اضافہ ہو رہا ہے، عمران خان
-
علاقائی 17 گھنٹے پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز
-
تفریح 18 گھنٹے پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے
-
پاکستان ایک دن پہلے
ماہر معاشیات ڈاکٹر قیصر بنگالی مستعفی ہو گئے
-
تفریح 2 دن پہلے
مکیش امبانی سے بھارت کے امیر ترین شخصیت کا اعزاز چھن گیا
-
دنیا ایک دن پہلے
ٹرمپ کی فیس بک کے بانی مارک زکر برگ کو جیل میں ڈالنے کی دھمکی
-
پاکستان ایک دن پہلے
قطر سے فلپائن جانے والا طیارے کی کراچی میں ہنگامی لینڈنگ