پنجاب حکومت نے ون ڈش پر عملدرآمد نہ کرنے والوں کو جرمانے عائد کر دیے

نگران وزیراعلی پنجاب محسن نقوی کی خصوصی ہدایت پرپنجاب  میں شادی بیاہ کی تقریبات میں ون ڈش اور وقت کی پابندی نہ کرنے والوں کے خلاف کاروائیوں کا سلسلہ جاری ہے اور گذشتہ روز پنجاب  بھر میں324 میرج ہالوں اور مارکیوں کی اچانک چیکنگ کی گئی جس کے دوران پنجاب  انتظامی افسران نے ون ڈش اور وقت کی پابندی نہ کرنے والے15 میرج ہالوں اور مارکیوں کو کم و بیش7 لاکھ جرمانہ اور ایک کے خلاف ایف آئی آر درج کرائی ہے۔

محسن نقوی نے اس  عزم کا اظہار کیا ہے کہ حکومت پنجاب کے احکامات پر بلاتفریق مکمل عمل درآمد کروایا جارہاہے۔

پنجاب  کےتمام  ڈپٹی کمشنرز کی زیر نگرانی اسسٹنٹ کمشنرز اوردیگر افسران مسلسل میرج ہالوں کی اچانک چیکنگ کا سلسلہ جاری رکھے ہوئے ہیں جس کے دوران خلاف ورزی کی صورت میں بلا رو رعایت کاروائی عمل میں لائی جارہی ہے۔