این سے ینگ کا چائنا ماسٹرز بیڈمنٹن ٹورنامنٹ کےویمنز سنگلز مقابلوں کا فاتحانہ آغاز

بیجنگ: جنوبی کوریا کی نامور کھلاڑی اور ایونٹ کی ٹاپ سیڈڈ این سے ینگ بی ڈبلیو ایف چائنا ماسٹرز بیڈ منٹن ٹورنامنٹ کے خواتین کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئی۔

21 سالہ جنوبی کورین بیڈمنٹن سٹار نے ویمنز سنگلز مقابلوں کے ابتدائی رائونڈ میں تھائی لینڈ کی حریف کھلاڑی لالنرت چائیوان کو باآسانی 0-2 سیٹس سے شکست دی۔ بی ڈبلیو ایف چائنا ماسٹرز بیڈ منٹن ٹورنامنٹ کے کانٹے دار مقابلے چین کے شہر شینزن کے بے جمنازیم میں جاری ہیں۔

چین کے شینزن بے جمنازیم میں کھیلے گئے خواتین کے سنگلز مقابلوں کے پہلے رائونڈ میچ میں جنوبی کوریا کی نامور کھلاڑی اور ایونٹ کی ٹاپ سیڈڈ این سے ینگ نے انتہائی شاندار کارکردگی کا مظاہرہ کرتے ہوئے تھائی لینڈ کی حریف کھلاڑی لالنرت چائیوان کو سٹریٹ سیٹس میں 16-21 اور 11-21سے شکست دے کر نہ صرف فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا