نیشنل باکسنگ چیمپئن ذیشان علی کا آبائی علاقے میں پہنچنے پر شاندار استقبال

پتوکی: ضلع پتوکی کے نواح حبیب آباد کے محنت کش کے بیٹے ذیشان علی کا باکسنگ نیشنل چیمپئن بننے کے بعد اپنے آبائی علاقے میں پہنچنے پر شاندار استقبال کیا گیا۔

ذیشان علی نے مختلف گیمز میں درجن بھر میڈلز اور گولڈ میڈل حاصل کرنے کے بعد 3 بار نیشنل چیمپئن کا اعزاز اپنے نام کیا، باکسنگ کی دنیا میں ملک و قوم کا سر فخر سے بلند کرنے والے ذیشان علی کا تعلق پتوکی کے نواح حبیب آباد سے ہے۔ نیشنل چیمپئن ذیشان علی کا آبائی علاقہ میں اپنے گھر پہنچنے پر اہل علاقہ نے پرتباک استقبال کیا اور مبارکبادیں پیش کیں ۔

نیشنل چیمپئن ذیشان علی کا کہنا تھا نیشنل چیمپئن بننے پر انتہائی خوشی ہے اور ملک و قوم کا نام اسی طرح روشن کرتا رہوں گا ۔ عوامی نمائندوں اور موجودہ حکومت سے میں اپیل کرتا ہوں حبیب آباد شہر جو کہ 50 ہزار آبادی پر مشتمل ہے جس میں نہ کوئی کھیلنے کا گراؤنڈ نہ کوئی سہولت ہے۔