پنجاب حکومت کا 10اضلاع میں جمعہ کے روز سکول ،کالجز بند رکھنے کا فیصلہ

لاہور : سموگ اور مسمیاتی تبدیلیوں کے پیش نظر پنجاب حکومت کے اہم فیصلے جاری ہیں ۔

تفصیلات کے مطابق پنجاب حکومت نے 22 اور 23 نومبر کو لاہور میں مصنوعی بارش کرنے کےاحکامات جاری کیے تھے ، احکامات پر موسم کی تبدیلی کے باعث عمل درآمد نہیں ہو سکا ، محکمہ موسمیات کے مطابق لاہور میں ہفتے کے دوران بھی بادل لاہور کا رخ نہیں کر یں گے ، جس کے باعث لاہور میں بارشوں کا سلسلہ معطل ہوگا اور سموگ پر کنٹرول نہیں کیا جا سکے گا ۔

اسموگ کے پیش نظر نگران وزیر اعلی پنجاب محسن نقوی کی زیر صدارت اجلا س میں حکومت نے کچھ اہم فیصلے کیے ہیں ، پنجاب حکومت کے مطابق کل بروز جمعہ کو 10 اضلاع میں اسکول ، کالجز بند رہیں گے ۔

مارکیٹیں مکمل بند، ہفتے میں 3 چھٹیوں کا اعلان!
حکومت کا ہنگامی فیصلہ!!#GNN #NewsUpdates #BreakingNews #GNN_Updates pic.twitter.com/W8hWZochyP

— GNN (@gnnhdofficial) November 23, 2023

بروز ہفتہ مارکیٹیں بھی تین بجے کے بعد کھولنے کا نوٹیفکیشن جاری کر دیا گیا ۔

چھٹی کیے جانے والے ڈویژن میں ملتان ، سرگودھا ، ساہیوال ڈویژن بھی شامل ہیں ۔