پاکستان
وفاقی کابینہ نے الیکشن کمیشن کیلئے 42 ارب روپے کی منظوری دے دی
نگراں وزیر اطلاعات و نشریات مرتضیٰ سولنگی کا کہنا ہے کہ الیکشن کمیشن کی مالی ضروریات پوری کرنے کسی قسم کی کوئی تاخیر نہیں ہو گی
![وفاقی کابینہ نے الیکشن کمیشن کیلئے 42 ارب روپے کی منظوری دے دی](/media/88183/conversions/murtaza-solangi1-1280x720.jpg)
اسلام آباد: نگراں وزیر اطلاعات و نشریات مرتضیٰ سولنگی کا کہنا ہے کہ الیکشن کمیشن کی مالی ضروریات پوری کرنے کسی قسم کی کوئی تاخیر نہیں ہو گی ۔
آج سوشل میڈیا پلیٹ فارم ایکس پر ایک ٹویٹ میں انہوں نے کہا کہ کابینہ نے ای سی پی کی بجٹ ضروریات کے لیے 42 ارب روپے کی منظوری دے دی ہے اور خاص طور پر 10 ارب روپے پہلے ہی تقسیم کیے جا چکے ہیں۔وفاقی وزیر نے کہا کہ ای سی پی کو جتنی بھی بجٹ کی رقم درکار ہو گی، اسے اس کی ضرورت کے مطابق جاری کیا جائے گا۔
There is no crisis on meeting the financial needs of the ECP.
— Murtaza Solangi (@murtazasolangi) December 4, 2023
The cabinet had approved Rs 42 billion for the budgetary needs of the ECP. An amount of Rs 10 billion was already released.
The ECP has approached to release Rs 17.4 billion out of the budgeted amount.
Whatever…
مرتضیٰ سولنگی نے اس بات کا اعادہ کیا کہ حکومت آزادانہ اور منصفانہ انتخابات کے انعقاد میں ای سی پی کے ساتھ مضبوطی سے کھڑی ہے جیسا کہ آئین کے آرٹیکل 218-(3) کے تحت کیا گیا ہے۔
جرم
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
ملزم آتش حسین نے انجم کے گردن، سر اور کندھے کو نشانہ بنایا جس کی وجہ سے انجم شدید زخمی ہو گیا
![اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی](/media/116872/conversions/Adiala-Jail-1280x720.jpg)
راولپنڈی: اڈیالہ جیل میں قیدیوں کے درمیان ہونے والے ایک تصادم میں ایک قیدی شدید زخمی ہو گیا ہے۔ جیل حکام کے مطابق یہ واقعہ 29 اگست کو جیل کی چکر مسجد کے قریب پیش آیا تھا۔
ذرائع کے مطابق قتل کے مقدمے میں گرفتار قیدی آتش حسین نے اپنے ساتھی قیدی انجم سے لڑائی جھگڑا شروع کر دیا اور اس پر کٹر سے حملہ کر دیا۔ آتش حسین نے انجم کے گردن، سر اور کندھے کو نشانہ بنایا جس کی وجہ سے انجم شدید زخمی ہو گیا۔ زخمی قیدی کا فوری طور پر طبی معائنہ کروایا گیا ہے۔
اس واقعے کے سلسلے میں جیل حکام نے فوری کارروائی کرتے ہوئے قیدی آتش حسین کے خلاف مقدمہ درج کروا دیا ہے۔ اسسٹنٹ سپریٹنڈنٹ عمران شہزاد کی مدعیت میں تھانہ صدر بیرونی میں مقدمہ درج کیا گیا ہے۔ واقعہ کے چیف وارڈر نواب خان اور وارڈر ریاض اقبال گواہ ہیں۔
جیل انتظامیہ نے اس واقعے کی مکمل تحقیقات کا حکم دے دیا ہے۔
صحت
پنجاب میں ڈینگی کے مزید 10کیسز رپورٹ، لاہور سب سے زیادہ متاثر
گزشتہ ہفتے کے دوران صوبے میں ڈینگی کے 54 کیسز رپورٹ ہوئے ہیں جبکہ رواں سال یہ تعداد 357 تک پہنچ چکی ہے
![پنجاب میں ڈینگی کے مزید 10کیسز رپورٹ، لاہور سب سے زیادہ متاثر](/media/116855/conversions/Dengue-1280x720.jpg)
لاہور : پنجاب میں ڈینگی کے کیسز میں مسلسل اضافہ ہورہا ہے۔ محکمہ صحت پنجاب کے مطابق گزشتہ 24 گھنٹوں کے دوران صوبے میں ڈینگی کے 10 نئے کیسز سامنے آئے ہیں۔
محکمہ صحت کے ترجمان کے مطابق گزشتہ ہفتے کے دوران صوبے میں ڈینگی کے 54 کیسز رپورٹ ہوئے ہیں جبکہ رواں سال یہ تعداد 357 تک پہنچ چکی ہے۔
صوبے کے مختلف شہروں میں سے لاہور سب سے زیادہ متاثر ہوا ہے جہاں سے گزشتہ 24 گھنٹوں میں 5 نئے کیسز رپورٹ ہوئے ہیں۔ اس کے علاوہ راولپنڈی سے 4 اور چکوال سے 1 کیس سامنے آیا ہے۔
ترجمان نے مزید بتایا کہ تمام سرکاری اسپتالوں میں ڈینگی سمیت دیگر ادویات کا اسٹاک موجود ہے، انسداد ڈینگی کے لیے تمام انتظامات مکمل کر رکھے ہیں۔
محکمہ صحت پنجاب نے ڈینگی کے پھیلاؤ کو روکنے کے لیے مختلف اقدامات اٹھائے ہیں۔ ان میں مچھر مارنے کی مہم، لوگوں کو آگاہی دینا اور ہسپتالوں میں مریضوں کی دیکھ بھال کے لیے خصوصی انتظامات شامل ہیں۔
علاقائی
پرویز الٰہی سمیت دیگر کے نام پاسپورٹ کنٹرول لسٹ میں شامل کرنے پر فریقین سے جواب طلب
درخواست میں وزارت داخلہ کو بذریعہ سیکرٹری، ایف آئی اے سمیت دیگر کو فریق بنایا گیا ہے
![پرویز الٰہی سمیت دیگر کے نام پاسپورٹ کنٹرول لسٹ میں شامل کرنے پر فریقین سے جواب طلب](/media/116853/conversions/PerviazElahi-1280x720.jpg)
لاہور ہائیکورٹ نے چوہدری پرویز الٰہی، راسخ الٰہی اور زارا الٰہی کے نام پاسپورٹ کنٹرول لسٹ میں شامل کرنے کے کیس کے حوالے سے سماعت کی۔ سماعت کے دوران لاہور ہائیکورٹ نےتمام فریقین کو نوٹسز جاری کرتے ہوئےآئندہ ہفتے جواب طلب کر لیا۔
جسٹس شمس محمود مرزا نے سابق وزیراعلیٰ پنجاب چوہدری پرویز الٰہی سمیت دیگر کی درخواستوں پر سماعت کی، درخواست میں وزارت داخلہ کو بذریعہ سیکرٹری، ایف آئی اے سمیت دیگر کو فریق بنایا گیا ہے۔
عدالت نے تمام فریقین کو نوٹسز جاری کرتے ہوئے آئندہ ہفتے جواب طلب کر لیا۔
درخواست میں موقف اپنایا گیا ہے کہ چوہدری پرویز الٰہی پر درج مقدمات کی عدالتوں سے ضمانتیں منظور ہو چکی ہیں، 20 ستمبر سے 5 اکتوبر تک عمرہ اور یو کے کیلئے جانا چاہتے ہیں، پرویز الٰہی سمیت دیگر کے نام پاسپورٹ کنٹرول لسٹ میں ہونے کے باعث بنیادی حقوق کی خلاف ورزی ہو رہی ہے۔
عدالت سے استدعا ہے کہ پاسپورٹ کنٹرول لسٹ میں نام ڈالنے کے اقدام کو کالعدم قرار دیتے ہوئے لسٹ سے ناموں کو نکالنے کا حکم دیا جائے۔
-
دنیا ایک دن پہلے
ناروے کی شہزادی نے روحانی پیشوا سے شادی کرلی
-
پاکستان 2 دن پہلے
قطر سے فلپائن جانے والا طیارے کی کراچی میں ہنگامی لینڈنگ
-
تجارت ایک دن پہلے
پیٹرولیم مصنوعات کی قیمتوں میں کمی کا اعلان
-
پاکستان 2 دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
تجارت 2 دن پہلے
ملک بھر میں سونے کی قیمتوں میں اضافہ
-
پاکستان ایک دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
پاکستان ایک دن پہلے
ماہر معاشیات ڈاکٹر قیصر بنگالی مستعفی ہو گئے
-
تجارت 23 گھنٹے پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف