پاکستان کرکٹ ٹیم کے فاسٹ بولر نسیم شاہ کا صحت یابی کے بعدجزوی بولنگ کا آغاز

پاکستان کرکٹ ٹیم کے فاسٹ بولر نسیم شاہ نے جزوی بولنگ کا آغاز کردیا۔

نسیم شاہ نے آج نیشنل کرکٹ اکیڈمی لاہور میں ری ہیبلیٹیشن کے آخری مرحلے کا آغاز کردیا ہے، کرکٹر کا ری ہیب ایک اسٹرینتھ اینڈ کنڈیشننگ کوچ، ایک فزیوتھراپسٹ اور ایک ڈاکٹر کی نگرانی میں جاری ہے۔

Update on Naseem Shah's rehabilitation

Details here ⤵️ https://t.co/Z51gKWORnT

— PCB Media (@TheRealPCBMedia) December 6, 2023

پاکستان کرکٹ بورڈ (پی سی بی) کے مطابق فی الوقت نسیم شاہ ہلکی جم ایکسر سائز اور جزوی بولنگ کر رہے ہیں،کل سے بیٹنگ کا آغاز کریں گے۔

واضح رہے کہ نسیم شاہ ستمبر میں ایشیا کپ کے دوران زخمی ہوئے تھے جس کے بعد ان کی برطانیہ میں سرجری ہوئی تھی۔ سرجری کے بعد، وہ بحالی اور ابتدائی تربیت کے لیے دو ماہ تک برطانیہ میں رہے اور انہیں ماہر طبی عملے کی ٹیم سے مسلسل دیکھ بھال حاصل ہوئی۔