نواز شریف کی 15 سال بعد چوہدری شجاعت کے گھر آمد

نواز شریف کی پارٹی قیادت کے ہمراہ 15 سال بعد چوہدری شجاعت کے گھر آمد، نواز شریف اور چوہدری شجاعت نے ایک دوسرے سے خیریت دریافت کی۔ ملاقات میں عام انتخابات میں سیٹ ایڈجسمنٹ اور ملکی سیاسی صورتحال پر تبادلہ خیال کیا گیا، دونوں رہنماؤں کے درمیان ملاقات 40 منٹ تک جاری رہی۔

نواز شریف نے چوہدری شجاعت حسین کی  رہائش گاہ ظہور الٰہی روڈ  پہنچے تو ان کے ہمرا ہ وفد میں شہباز شریف ، مریم نواز، رانا ثناء اللہ ، سردار ایاز صادق، اور اعظم نذیر تارڑ سمیت  پارٹی کے دیگر رہنما بھی شامل تھے۔

نواز شریف  اور لیگی قیادت کی آمد پر مسلم لیگ ق کے رہنماون نے انکا استقبال کیا ۔ملاقات میں مسلم لیگ ق کی جانب سے سالک حسین۔ شافع حسین۔ طارق بشیر چیمہ اور امتیاز رانجھا بھی شریک  ہوئے۔

نواز شریف نے چوہدری شجاعت حسین کی خیریت دریافت کی جبکہ چوہدری شجاعت حسین نے نواز شریف کے لئے نیک خواہشات کا اظہار کیا ۔

مسلم لیگ ق کا ملاقات کے بعد اپنی پارٹی قیادت کا اجلاس بلانے کا فیصلہ کیا ہے جس میں مسلم لیگ ق کی قیادت لیگی قیادت سے ملاقات بارے اپنے رہنماؤں کو اعتماد میں لے گی۔