پاک فوج نے روسی ویکسین کی 20لاکھ ڈوز کا آرڈر دیدیا

تفصیلات  کے مطابق  افواج پاکستان بھی مشکل کی اس گھڑی میں  عوام کے شانہ بشانہ  ہے ، پاک فوج کی جانب سے پاکستانی عوام کیلئے روسی ویکسینSputnikV کی 20لاکھ خوراکیں منگوائی گئیں ہیں ،  ویکسین کی 2 لاکھ ڈوزکی پہلی کھیپ پاکستان آنےکیلئے ایئرپورٹ پر موجود ہے جبکہ  پاک فضائیہ کاطیارہ پہلی کھیپ لےکرابوظہبی  سےپاکستان کیلئےکچھ دیربعدروانہ ہوگا۔

واضح رہے کہ ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید135فراد چل بسے ۔ ملک میں  اموات کی مجموعی تعداد 19 ہزار752ہوگئی ہے،جبکہ  متاثرہ افراد کی مجموعی تعداد 8 لاکھ 82ہزار 928ہو گئی ہے ۔

پنجاب میں کورونا مریضوں کی تعداد 3لاکھ28ہزار 775ہوگئی ۔ جبکہ صوبے میں اب تک 9ہزار 500افراد جان سے ہاتھ دھو بیٹھے ہیں ۔سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 99ہزار 913ہو گئی جبکہ صوبے میں اب تک 4 ہزار 824 افراد جان کی بازی ہار گئے ۔خیبرپختون خوا میں کورونا وائرس سے متاثرہ مریضوں کی تعدادایک لاکھ 27ہزار224ہوچکی ہے ۔ صوبے میں 3804افراد چل بسے۔بلوچستان میں کورونا وائرس کے اب تک 23ہزار931کیسز رپورٹ ہوئے ہیں جبکہ صوبے میں 267مریض چل بسے ۔وفاقی دارالحکومت اسلام آباد میں مجموعی طورپرمتاثرہ افراد کی تعداد79 ہزار371جبکہ اموات کی تعداد733تک جاپہنچی ۔گلگت بلتستان میں اب تک 5 ہزار 428افراد کورونا کا شکار ہوئے ہیں جبکہ 107افراد جان سے ہاتھ دھو بیٹھے ۔آزاد جموں کشمیرمیں کورونا سےمتاثرہ افراد کی تعداد 18 ہزار286ہوچکی ہے جبکہ 517افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  2989فرادکوروناوائرس کوشکست دےچکے ہیں۔ ملک بھر میں اب تک 7لاکھ 95 ہزار511مریض کورونا کو شکست دے چکے ہیں ۔