وزیراعظم کی زیرصدارت وفاقی کابینہ کا اجلاس آج ہو گا

تفصیلات کے مطابق وزیراعظم عمران خان کی زیرصدارت وفاقی کابینہ  اجلاس میں وزیراعظم کے  دورہ سعودی عرب پر تبادلہ خیال ہوگا‎ ،اجلاس میں فلسطین کی موجودہ صورتحال پر بھی بات چیت ہوگی ۔وفاقی کابینہ کرتارپور راہداری منصوبے کو پیپرا رولز سے استثنی دینے کی منظوری ‏دے گی‎ ‎جبکہ وفاقی کابینہ اقوام متحدہ کی چارگاڑیوں کوپاکستان کے راستے کابل لے جانے کی ‏منظوری دے گی۔ کابینہ پاک چین سفارتی تعلقات کے 70 سال مکمل ہونے پر یادگاری سکہ جاری کرنے ‏کی منظوری دے گی ۔ اجلاس میں  ریلوے پولیس کے دائرہ اختیار سے متعلقہ ایس آر اوز جاری کرنے کی منظوری ،  الیکشن کمیشن کی سالانہ رپورٹ پارلیمنٹ میں پیش کرنے کی منظوری  بھی ایجنڈے میں شامل ہے ۔

وفاقی کابینہ نجی ایئرلائن کومسافراورکارگو لائسنس جاری کرنے کی منظوری دے گی‎ ‎ جبکہ  لیگل ایڈ اینڈ جسٹس اتھارٹی کے ڈائریکٹر جنرل کی تعیناتی کی منظوری کابینہ ایجنڈا ‏میں شامل ہے ۔وفاقی کابینہ پاکستان ہاوسنگ اتھارٹی فاونڈیشن کے چیف ایگزیکٹو کی تعیناتی کی ‏منظوری سمیت  الیکٹرانک سرٹیفیکیشن ایکریڈیشن کونسل کے ارکان تعینات کرنے کی  بھی منظوری ‏دے گی‎ ‎۔اجلاس میں بیرون ملک پاکستانی مشنزمیں کمیونٹی ویلفیئراتاشی تعینات کرنے کی منظوری ایجنڈا ‏میں شامل‎ ‎ہے جبکہ کابینہ نیشنل پاورپارکس مینجمنٹ کمپنی کے چیف ایگزیکٹو کی تعیناتی پر غور کرے گی۔

کابینہ  اجلاس میں کمیٹی برائے ادارہ جاتی اصلاحات کے فیصلوں کی توثیق ہو گی جبکہ کابینہ کمیٹی برائے قانون سازی کے فیصلوں کی توثیق بھی کابینہ ایجنڈا میں شامل‎ ‎ ہے ۔وفاقی کابینہ اقتصادی رابطہ کمیٹی کے فیصلوں کی بھی  توثیق کرے گی۔