نگران وزیراعظم انوارلحق کا کڑ نے خضدارمیں دھماکے کی شدید مذمت کی

وزیراعظم انوارالحق کاکڑ نے کہا ہے کہ دہشتگردی کے خلاف جنگ میں اپنی جانوں کانذرانہ دینے والے شہداء کو پوری قوم سلام پیش کرتی ہے۔

انہوں نے آج ایک بیان میں خضدارمیں دھماکے کی شدیدمذمت کی اورواقعے میں سی ٹی ڈی کے ایس ایچ او محمدمرادکی شہادت پرگہرے دکھ اورافسوس کااظہارکیا۔

وزیراعظم نے شہید کے لئے بلنددرجات کی دعا اور سوگوار خاندان سے تعزیت کی۔انہوں نے کہاکہ ایسی بزدلانہ کارروائیاں سیکیورٹی فورسزکے عزم کو کمزورنہیں کرسکتیں۔

دریں اثنا بلوچستان کے نگران وزیراعلیٰ میرعلی مردان خان ڈومکی نے بھی دھماکے کی شدید مذمت کی ہے اور واقعے کی تحقیقات کاحکم دیاہے۔

انہوں نے ایک مذمتی بیان میں متعلقہ حکام کو دھماکے میں ملوث عناصر کو فوری طور پر گرفتار کرنے کی ہدایت کی۔

ضلع خضدارمیں آج صبح ایک دھماکے میں ایس ایچ او محمدمرادشہیدہوگئے تھے۔