اسٹیٹ بینک نے مانیٹری پالیسی کا اعلان کر دیا

اسٹیٹ بینک نے مانیٹری پالیسی کا اعلان کرتے ہوئے شرح سود 22 فیصد پر برقرار رکھنے کا اعلان کر دیا

اسٹیٹ بینک کی مانیٹری پالیسی کمیٹی کا اجلاس  گورنر اسٹیٹ بینک جمیل احمد کی زیر صدارت ہوا، جلاس میں معاشی اعداد و شمار کا جائزہ لیا جا رہا ہے جس کے بعد مانیٹری پالیسی کا اعلان کیا گیا۔

1/4 The Monetary Policy Committee (MPC) decided to maintain the policy rate at 22 percent in its meeting today. See https://t.co/hmLGPgsZq3#SBPMonetaryPolicy pic.twitter.com/GLMsRZbEXM

— SBP (@StateBank_Pak) December 12, 2023

اسٹیٹ بینک نے کہا ہے کہ رواں مالی سال کی پہلی سہ ماہی میں حقیقی جی ڈی پی 2.1 فیصد سال بہ سال بڑھی جب کہ گزشتہ سال کی اسی سہ ماہی میں 1.0 فیصد نمو ہوئی تھی۔ اسٹیٹ بینک نے ایک بار پھر توقع ظاہر کی ہے کہ آنے والے چند ماہ میں مہنگائی میں کمی آئے گی۔

اسٹیٹ بینک کے مطابق نومبر میں ہوئی مہنگائی میں گیس کے نرخ نے اہم کردار ادا کیا، گیس کے نرخوں میں توقع سے زیادہ اضافے نے نومبر 2023ء میں مہنگائی میں 3.2 فیصدی شامل کیا تاہم مالی سال 24ء کی دوسری ششماہی میں عمومی مہنگائی میں خاصی کمی کی توقع ہے۔

اسٹیٹ بینک نے کہا ہے کہ محدود مجموعی طلب، رسدی رکاوٹوں میں بہتری اور اجناس کی عالمی قیمتوں میں اعتدال سے مہنگائی کم ہوگی۔