پی ٹی آئی چیئرمین بیرسٹر گوہر علی خان سے آسٹریلوی ہائی کمشنر نیل ہاکنگز کی ملاقات

پی ٹی آئی چیئرمین بیرسٹر گوہر علی خان سے آسٹریلوی ہائی کمشنر نیل ہاکنگز کی ملاقات، ملاقات میں ملکی مجموعی سیاسی و معاشی صورتحال، دوطرفہ امور اور باہمی دلچسپی کے معاملات پر تفصیلی تبادلۂ خیال کیا گیا۔ سینٹ میں تحریک انصاف کے پارلیمانی لیڈر بیرسٹر علی ظفر اور مرکزی سیکرٹری اطلاعات رؤف حسن بھی ملاقات میں شریک رہے۔

آسٹریلوی ہائی کمشنر نیل ہاکنگز کی چیئرمین تحریک انصاف بیرسٹر گوہر علی خان سے ملاقات

سینٹ میں تحریک انصاف کے پارلیمانی لیڈر بیرسٹر علی ظفر اور مرکزی سیکرٹری اطلاعات رؤف حسن بھی ملاقات میں شریک

سینئر آسٹریلوی سفارتکار میری رابرٹسن بھی موجود

ملکی مجموعی سیاسی و معاشی صورتحال،… pic.twitter.com/46BmTxCuDD

— PTI (@PTIofficial) December 12, 2023

پاکستان تحریک انصاف کے ترجمان کے مطابق ملاقات میں پاکستان میں عام انتخابات کے ماحول، سیاسی جماعتوں کیلئے انتخاب میں شرکت کے مواقع اور انتخابات کے ملکی ترقی و خوشحالی پر اثرات پر بھی گفتگوکی گئی اس کے علاوہ  انتخابات کے آزادانہ، منصفانہ اور شفاف انعقاد کے حوالےسے الیکشن کمیشن کے دستوری فرائض اور زمینی صورتحال کی مختلف جہتوں پر بھی بات چیت کی گئی۔

ترجمان کے مطابق تحریک انصاف کے انٹراپارٹی انتخابات اور ”بلّے“ کے انتخابی نشان کے حوالے سے الیکشن کمیشن میں جاری کارروائی بھی زیربحث آئی اور ملک میں انسانی حقوق کی بدترین پامالیوں کی جاری لہر خصوصاً خواتین سیاسی کارکنان کیخلاف ماورائے آہین و قانون اقدامات کے قابلِ مذمت سلسلے پر بھی گفتگو کی گئی۔