کھاد کا بحران شدت اختیا ر کر گیا ،حکومت کا کھاد مافیا کے گرد گھیر اتنگ

نگران وفاقی وزیر داخلہ سرفراز بگٹی نے کھاد کی ذخیرہ اندوزی اور اس کی مصنوعی قلت پیدا کرنے میں ملوث عناصر کے خلاف سخت کارروائی کاعزم کیاہے۔

وفاقی وزیر اطلاعات مرتضی سولنگی،وزیر توانائی محمد علی اورصنعت و پیداوار کے سیکرٹری کے ہمراہ نیوزکانفرنس کرتے ہوئے انہوں نے کہا کہ صوبوں کے چیف سیکرٹری اور انسپکٹر جنرل پولیس کو انتظامی اقدامات پر عملدرآمد کیلئے چوبیس گھنٹوں کی مہلت دی گئی ہے۔

انہوں نے کہا کہ وزیراعظم کی طرف سے ایسے مافیاز کیخلاف کسی بھی قسم کی رعایت نہ برتنے کی واضح ہدایات ہیں۔ وزیر توانائی محمد علی نے کہاکہ حکومت نے کھاد کی مقامی پیداوار کو زیادہ سے زیادہ یقینی بنانے کیلئے کھاد کے پلانٹس کو چوبیس گھنٹے فعال رکھنے کا فیصلہ کیا ہے۔

کھاد کی بوری کی قیمت میں ذخیرہ اندوزوں نے 1500 تک کا خود ساختہ اضافہ کیا ہے ، کسانوں کے مطابق کھاد مافیا نے حکومت کے پابندی عائد کرنے کے بعد کھاد کو خطے میں نایا ب کر دیا ہے اور کھاد مزید مہنگے داموں فروخت ہو رہی ہے ۔

حکومت کے مطابق 24  گھنٹوں کے دوران کھاد کا بحران ختم ہو جائے گا اور ذخیرہ اندوزوں کے خلاف سخت سے سخت کاروائی کی جائے گی ۔