جب سیاسی پارٹیوں میں جمہوریت آئے گی تو مائنس ون خود بخود ختم ہو جائے گا، انوارلحق کاکڑ

اسلام آباد : نگران وزیر اعظم انوارلحق کا کڑ نے جی این این میڈیا کے پروگرام نیوز ایج میں انٹرویو کے دوران کہا کہ جب پارٹیوں میں جمہوریت آئے گی تو مائنس ون خود بخود ختم ہو جائے گا ، انہوں نے کہا کہ میری اسٹیبلشمنٹ کے ساتھ اچھی ورکنگ ہے ۔

انہوں نے کہا کہ سیا ست اور حکومت کا حصہ بنیں گے تو تنقید کی ضد میں آ جائیں گے ، انہوں نے کہا کہ ایسا نہیں ہو سکتا کہ سیاست کریں اور تنقید کی ضد میں نہ آئیں ایسا تو ممکن ہی نہیں ہو سکتا ۔

نگراں وزیراعظم انوارالحق کاکڑ کا کہنا ہے کہ پی ٹی آئی کی خواتین کو مختلف مقدمات میں قید یا سلاخوں کے پیچھے ڈالنا جنسی  رنگ دینا درست نہیں۔

 وزیراعظم نے نیوز ایج کی اینکر فریحہ ادریس کی جانب سے یاسمین راشد جیسی پی ٹی آئی خواتین رہنماؤں کے حوالے سے پوچھے گئے سوال کا جواب دیتے ہوئے کہا جو گزشتہ سات ماہ سے جیل میں ہیں اسے جنس کا رنگ دینا درست نہیں ہے۔ مثال کے طور پر اگر خواتین اپنے مرد ہم منصبوں کی طرح ایک عام تحریک میں ہوں تو کوئی مسئلہ نہیں ہے۔ اگر وہ پرتشدد تحریک شروع کرتے ہیں تو قانون ان کی قسمت کا تعین کرے گا۔ اگر خواتین ایسی غیر قانونی سرگرمیوں میں ملوث ہوں گی تو انہیں صنفی فائدہ نہیں ملے گا۔ 

پی ٹی آئی کے رہنماؤں اور کارکنوں کے خلاف ان دنوں مقدمات کے بعد مقدمات کے بارے میں ایک اور سوال کے جواب میں وزیر اعظم کاکڑ نے کہا نظام انصاف میں کوتاہیاں ہوسکتی ہیں کیونکہ تمام سیاسی جماعتوں کو مل بیٹھ کر اس نظام کی اصلاح کرنی چاہیے۔ 

ان سے سوال کہا گیا کہ کیا سیکیورٹی صورت حال الیکشن کی راہ میں رکاوٹ بن سکتی ہے ؟ سوال کے جواب میں انہوں نے کہا کہ سیکیورٹی صورت حال کو الیکشن کی تاخیر میں استعمال نہیں کر سکتے ۔ 

میرے پاس کوئی  ثبوت نہیں ہیں کہ پی ٹی آئی کے لوگوں پر پریشر ہے ، ایسا کو ئی ثبوت نہیں ہے کہ اسٹیبلشمنٹ مداخلت کر رہی ہے ، میری نظر میں اسٹیبلشمنٹ نیوٹرل ہے ،  عوامی مقبولیت تا حیا ت نہیں ہو تی ، سیاسی جماعت کو الیکشن سے الگ رکھنا شفافیت پر بہت بڑا سوالیہ نشان ہو گا ۔

انہوں نے کہا کہ ہم چلے جائیں گے ہمارے بعد نئی حکومت معاملات دیکھے گی ، انہوں نے کشمیر پر بات کرتے ہوئے کہ آزادی کشمیریوں کا حق ہے اور یہ ان کو مل کر رہے گی ۔

الیکشن کی تاخیر کے حوالے سے ساری خبریں جھوٹی ہیں ۔