عام انتخابات میں سیاسی جماعتوں کے لیے ضابطہ اخلاق جاری

عام انتخابات، الیکشن کمیشن کی جانب سے سیاسی جماعتوں کے لیے ضابطہ اخلاق جاری کردیا گیا ہے۔

الیکشن کمیشن نے 80 نقاط پر مشتمل انتخابی ضابطہ اخلاق جاری کردیا، نگراں حکمرانوں سمیت صدر، وزیراعظم، چیئرمین، ڈپٹی چیئرمین سینیٹ اور تمام پبلک آفس ہولڈرزکے انتخابی مہم میں حصہ لینے پر پابندی ہوگی ۔ سیاسی جماعتیں جنرل نشستوں پر 5 فیصد ٹکٹس خواتین کودینے کی پابند ہوں گی۔

سرکاری خرچ پرانتخابی مہم نہیں چلا سکیں گے، ترقیاتی اسکیموں پر پابند ہوگی، نظریہ پاکستانی، ملکی خودمختاری، سالمیت اور سلامتی کے خلاف کوئی بات نہیں ہوگی، عدلیہ کی آزادی ، خودمختاری کا احترام کیا جائے گا، افواج پاکستان کی شہرت اورتضحیک کا پہلو نہیں نکالا جائے گا۔

ضابطہ اخلاق کے تحت کسی بھی شخص کو الیکشن سے دستبردار کرانے کے لیے تحائف اور رشوت دینے یا ترغیب دینے سے گریز کیا جائے، خواتین اور خواجہ سرائوں کو انتخابی عمل سے محروم نہ کیا جائے، سرکاری املاک پر پارٹی جھنڈا نہیں لگایا جا سکے گا، جلسہ اورجلوس کے لیے مقامی انتظامیہ سے اجازت لینا ہوگی، انتخابی مہم کے دوران فرقہ واریت،ذات اورلسانی بنیاد پرتشہیرپرپابندی ہوگی ۔۔

ضابطہ اخلاق میں کہا گیا ہے کہ سیاسی جماعتیں پابند ہونگی کہ خواتین و مردوں کو یکساں مواقع فراہم کریں،سیاسی جماعتیں ووٹ سےمحروم کرنےکا کوئی زبانی معاہدہ نہیں کرینگی،سرکاری ملازم کسی صورت سیاسی جماعت کی حمایت نہیں کرسکتے,سیاسی جماعتیں،امیدوار تشدد پر اکسانےکی سختی سےحوصلہ شکنی کرینگی،انتخابی اخراجات کےلیےلین دین ایسےافراد اداروں سےکیاجائےگا جو جی ایس ٹی رجسٹرڈ ہوں۔

ضابطہ اخلاق کے مطابق انتخابی مہم کےدوران، پولنگ کےدن اسلحےکی نمائش پر مکمل پابندی ہوگی،تمام سرکاری قواعد کی پابندی کی خلاف ورزی پر کارروائی ہوگی،انتخابی نتائج کےحتمی اجرا تک ضابطہ اخلاق قواعد کی پابندی برقرار رہےگی،ممبران سینیٹ اور بلدیاتی نمائندےانتخابی مہم میں حصہ لےسکیں گے ،ووٹر پرچی پرانتخابی نشان امیدوار کا نام لکھنےپر پابندی ہوگی۔