مسلسل چوتھے روز سو نے کی قیمت میں سینکڑوں روپے کا اضافہ،نئی قیمت کیا ہو گئی؟

کراچی: کاروباری ہفتے کے آخری روزپاکستان میں سونے کی فی تولہ قیمت میں اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت میں مزید  1100 روپے کا اضافہ ہوا جس کے بعد24 گرام سونے کی فی تولہ قیمت 2 لاکھ 79 ہزار 400 روپے ہوگئی ہے۔
اسی طرح  10گرام سونے کی قیمت 943 روپے اضافہ ہوا جس کے بعد دس گرام سونے کی نئی قیمت  2 لاکھ 39 ہزار 540  روپے ہو گئی ہے۔
دوسری جانب عالمی مارکیٹ میں سونے کی قیمت 11 ڈالرکا اضافہ ہوا ہے جس کے بعد عالمی منڈی میں سونے کی نئی قیمت  2676 ڈالر فی اونس ہو گئی ہے۔
 واضح رہے کہ پاکستان میں گزشتہ 4 روز کے دوران فی تولہ سونا 4 ہزار 4 سو روپے مہنگا ہوا ہے۔