آلودگی پھیلانے والے بھٹوں کے خلاف کاروائی، 7 بھٹے سیل

تفصیلات کےمطابق  تمام بھٹے ملتان کے علاقے قادر پوراں میں سیل کئے گئے ہیں۔ روایتی بھٹہ مالکان  کو  اپنے  بھٹےزگ زیگ سسٹم پر منتقل  کرنے کے لئے معتدد بار وقت دیا  گیا   مگربھٹہ مالکان نے ایسا نہ کیا۔  اے سی صدر کے مطابق  بھٹہ مالکان نے بلور لگائے مگر انھیں  فعال نہیں کیا گیا  ۔

بھٹہ مالکان  بھٹوں میں اینٹوں کی  بھرائی  بھی زگ زیگ  طریقے کی بجائے روایتی طریقے سے کر رہے  ہیں۔ محکمہ ماحولیات اور پولیس نے  بھی کاروائی میں حصہ لیا۔ جس کے بعد یہ فیصلہ کیا گیا کہ تمام روایتی بھٹے  اب سیل ہوں گے ،  انہیں چلنے کی اجازت نہیں دی جائے گی ۔ محکمہ ماحولیات کے مطابق  ان بھٹوں سے پیدا ہونے والی آلودگی  سموگ کا باعث بنتی ہے ۔