پی ٹی آئی نے سپریم کورٹ میں دائر ’بلے کے نشان‘ کی درخواست واپس لے لی

اسلام آباد: پاکستان تحریک انصاف (پی ٹی آئی) نے بدھ کو بلے کے انتخابی نشان کی فراہمی کے لیے سپریم کورٹ میں دائر درخواست واپس لے لی۔

سپریم کورٹ کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر علی خان نے کہا کہ انتخابی بلے کے نشان کے حوالے سے سپریم کورٹ میں درخواست دائر کی تھی جس کی آج سماعت ہونی تھی۔ تاہم ان کا اہم کیس پشاور ہائی کورٹ (پی ایچ سی) میں بھی ہے جس کا فیصلہ آج سنایا جائے گا، اس لیے انہوں نے سپریم کورٹ سے اپنی درخواست واپس لے لی ہے۔

بیرسٹر گوہر علی خان نے کہا کہ 'پی ایچ سی سے فیصلہ ہمارے حق میں ہوگا'۔

واضح رہے کہ سپریم کورٹ میں آج پی ٹی آئی کی جانب سے بلے کے نشان کے لیے درخواست پر سماعت چیف جسٹس آف پاکستان (سی جے پی) قاضی فائز عیسیٰ کی سربراہی میں تین رکنی بینچ نے کرنی تھی۔

اس سے قبل پی ٹی آئی کے وکیل بیرسٹر گوہر علی نے کہا تھا کہ اگر آج فیصلہ سنایا جاتا ہے تو پی ٹی آئی کے امیدوار پارٹی ٹکٹ حاصل کر سکیں گے، اگر تاخیر ہوئی تو فیصلہ ان کے حق میں بھی ہوا تو اس کا کوئی فائدہ نہیں ہو گا۔ پی ٹی آئی اپنا انتخابی نشان کھو دے گی۔