پہلی بار پاکستان کی سیاست میری سمجھ سے باہر ہے، شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید  نے کہا ہے کہ پہلی بار پاکستان کی سیاست میری سمجھ سے باہر ہے۔

شیخ رشید احمد اور شیخ راشد شفیق انسداد دہشت گردی کے جج اعجاز آصف کی عدالت پیش ہوئے، شیخ رشید احمد کے وکیل کی عدم دستیابی پر عدالت نے کیس کی سماعت ملتوی کردی ، کیس کی آئندہ سماعت 15 جنوری کو انسداد دہشت گردی عدالت میں ہو گی۔

راولپنڈی :سربراہ عوامی مسلم لیگ شیخ رشید احمدکی انسداد دہشت گردی کی عدالت کے باہر میڈیا سے گفتگو pic.twitter.com/k4Ur6hrAy7

— Sheikh Rashid Ahmed (@ShkhRasheed) January 10, 2024

 شیخ رشید نے میڈیا سے گفتگو کرتے ہوئے کہا کہ مجھے 19مقدمات کی ضمنیوں میں ڈالا گیا،فاضل جج سے استدعا کی وکیل لاہور ہائیکورٹ میں مصروف ہیں،15جنوری تک ضمانت میں توسیع ہوئی،سیاسی منظر سمجھ سے باہر ہے۔

انہوں نے کہا کہ یہ 3 دن بڑے اہم ہیں، 13تاریخ تک سیاست کے بادل چھٹ جائیں گے اور صورتحال کھل کر واضع ہو جائے گی۔انتخابات انشاءاللہ 8فروری ہوں گے،عوام ووٹ ڈالیں گے اور قلم دوات اکثریت سے جیتے گی۔