نگران وزیراعظم کا نوجوانوں کو چیلنجوں سے نمٹنے میں تعمیری کردار ادا کرنے پرزور

اسلام آباد: نگران وزیراعظم انوار الحق کاکڑ نے کہا ہے کہ دہشت گردی کے خلاف جنگ میں پاکستان کی کامیابی نوجوانوں کی شرکت اور حمایت کے بغیر ممکن نہیں تھی۔

پاکستان نیشنل یوتھ کنونشن 2024سے خطاب کرتے ہوئے انہوں نے ملک کے خلاف شیطانی پروپیگنڈے کو مسترد کرنے اور اجتماعی طور پر نمٹنے پر زور دیا۔

نوجوانوں کی صلاحیت کو واضح کرتے ہوئے انہوں نے کہا کہ ملک کی پینسٹھ فیصد آبادی نوجوانوں پر مشتمل ہے اور یہ قومی سلامتی کے ابھرتے ہوئے چیلنجوں سے نمٹنے میں تعمیری کردار ادا کر سکتی ہے۔

اس موقع پر کانفرنس سے خطاب کرتے ہوئے بری فوج کے سربراہ جنرل سید عاصم منیر نے قوم کی مدد اور حمایت سے ہرقسم کے خطرات کے خلاف پاکستان کی خودمختاری اور علاقائی سالمیت کے دفاع کے لئے مسلح افواج کے عزم کا اعادہ کیا۔

انہوں نے کہاکہ نوجوان پاکستان کا سب سے بڑا اثاثہ ہیں اور روشن مستقبل کی تمام امیدیں ان سے وابستہ ہیں۔ انہوں نے نوجوانوں کوکہاکہ مایوسی کو ترک کردیں۔