عمران خان اور شاہ محمود قریشی کی سائفر کیس میں سزاؤں پر پی ٹی آئی رہنماؤں کا درعمل

سابق اسپیکر قومی اسمبلی اور پی ٹی آئی رہنما اسد قیصر کا کہنا ہے کہ بانی چیئرمین تحریک انصاف عمران خان اور وائس چیئرمین شاہ محمود کو سائفر کیس میں 10 سال غیر قانونی سزا دلوا کر جج ابوالحسنات نے قانون کو اپنے پاؤں تلے روند ڈالا، اس فیصلے پر بہت افسوس ہوا ہے 

اپنے ویڈیو پیغام میں سابق اسپیکر قومی اسمبلی اسد قیصر نے کہا کہ  اس فیصلے کے خلاف ہم ہائی کورٹ اور سپریم کورٹ جائینگے اور یہ فیصلہ جلد کالعدم ہوجائے گا، اس کیس میں قانونی تقاضوں کو پورا نہیں کیا گیا، ایسا لگ رہا ہے کہ یہ فیصلے کہی اور سے ہو رہے ہیں۔

بانی چیئرمین تحریک انصاف عمران خان اور وائس چیئرمین شاہ محمود کو ۱۰ سال غیر قانونی سزا دلوا کر جج
ابوالحسنات نے قانون کو اپنے پاؤں تلے روند ڈالا۔ اس فیصلے کے خلاف ہم ہائی کورٹ اور سپریم کورٹ جائینگے اور یہ فیصلہ جلد کالعدم ہوجائے گا۔ میری تمام ورکرز سے اپیل ہے کہ اپنا پورا زور 8… pic.twitter.com/9BMZyg7j8W

— Asad Qaiser (@AsadQaiserPTI) January 30, 2024

اسد قیصر نے مزید کہا کہ اس فیصلے سے پی ٹی آئی کے ورکرز اور سپورٹرز کو مایوس کرے کی اور انہیں اشتعال دلانے کی کوشش کی گئی ہے لیکن ہم اس فیصلے کا انتقام 8 فروری کو ووٹ کے ذریعے سے لیں گے۔میری تمام ورکرز سے اپیل ہے کہ اپنا پورا زور 8 فروری کے الیکشن پر مرکوز کریں اور عمران خان کو جتوا کر اس نظام کو شکست دیں۔

پی ٹی آئی کے سینئر رہنما علی امین گنڈاپور کا کہنا تھا کہ آج کا فیصلہ غیر قانونی ہے، جو نا انصافی ہمارے لیڈر عمران خان اور وائس چیئرمین شاہ محمود قریشی کے ساتھ کی جا رہی ہے، تاریخ گواہ ہے اور وقت بتائے گا کہ سائفر کیس میں جو غیر قانونی سزا دی گئی ہے جس کو ہم اور پوری قوم مسترد کرتے ہیں، کہ سائفر کیا تھا اور اس کے پیچھے کون تھا۔

سائفر کیس کے فیصلے پر پاکستان تحریک انصاف کے سینئر رہنما علی امین گنڈاپور کا ردعمل: #ناانصافی_کا_بدلہ_ووٹ_سے pic.twitter.com/kwaj4yYpcn

— PTI (@PTIofficial) January 30, 2024

انہوں نے اپنے ویڈیو پیغام میں مزید کہا کہ اس ملک کے ساتھ جو سازش کی گئی ہے وہ چہرے انشاء اللہ قوم کے سامنے آئیں گے۔ عمران خان کی ہدایت پر ہم نے پر امن رہنا ہے اور 8 فروری کو اپنے ووٹوں کے ذریعے اس نا انصافی کا بدلہ لینا ہے۔