اسٹیٹ بینک کا نئے کرنسی نوٹوں کے ڈیزائن کیلئے مقابلے کا اعلان

اسٹیٹ بینک آف پاکستان نے نئے کرنسی نوٹوں کے ڈیزائن کیلئے مقابلے کا اعلان کر دیا۔

اسٹیٹ بینک کی جانب سے آفیشل ایکس ہینڈل پر کی جانے والی پوسٹ میں کہا گیا ہے کہ ہر15سے20 سال بعد نوٹوں کی نئی سیریزمتعارف کروانا مرکزی بینکوں کا عمل ہے۔ نئی بینک نوٹ سیریز ڈیزائن کرنے کے لیے آرٹ مقابلے کا اعلان کرتے ہوئے اسٹیٹ بینک کی جانب سے کہا گیا ہے کہ فنکار،ڈیزائنرزاورطالب علم اپنےڈیزائن 11مارچ تک اسٹیٹ بینک بھیج سکتے ہیں۔

#SBP launches an Art Competition for new banknote designs. Artists, designers and art students can send their designs to SBP by Mar 11, 2024.
For details: https://t.co/IA6c1h6py4#ArtCompetition #SBPBanknotes pic.twitter.com/OD6XPcdFVj

— SBP (@StateBank_Pak) January 30, 2024

مرکزی بینک کے مطابق تمام مالیت کے 7 نوٹوں ( 10، 20، 50 ، 100، 500 ، 1000 اور 5000) کے لیے3 ٹاپ ڈیزائنز کو تسلیم کیا جائے گا۔ اسٹیٹ بینک کے مطابق عام طور پر ایک نئی بینک نوٹ سیریز شروع کرنے میں 2 سے 3 سال لگتے ہیں اور مرکزی بینک آئندہ 2 سال میں اس عمل کو مکمل کرنے کا ارادہ رکھتا ہے۔

صارفین کے لیے مزید بتایا گیا ہے کہ نئی سیریز کے اجرا کے بعد بھی موجودہ بینک نوٹ گردش میں رہیں گے، موجودہ سیریز کو گردش سے نکالنے کافیصلہ مرحلہ وار لیا جائے گا۔

اسٹیٹ بینک کی جانب سے ٹاپ 3 ڈیزائن کو کیش پرائز دینے کا بھی اعلان کیا گیا ہے۔