بیلاروس نے اپنی فضائی حدود میں اڑنے والی پرواز کو جبری اتار لیا

غیر ملکی خبر رساں ادارے کے مطابق  بیلاروس نے اپنی فضائی حدود میں اڑنے والی پرواز کو جبری اتار لیا ہے، بیلاروس کی فضائی حدود میں لتھوانیا کی پرواز کو ایئرفورس کے طیارے نے اترنے پر مجبور کیا۔یورپی یونین نے طیارہ جبری اتارے جانے کو ہائی جیکنگ قرار دے دیا ہے ۔

غیر ملکی خبر رساں ادارے کے مطابق  پرواز کو جبری اتارنے کے بعد طیارے میں موجود حکومت مخالف صحافی کو حراست میں لیا گیا۔

عینی شاہدین کا کہنا ہے کہ  حکومت مخالف صحافی گرفتاری کے وقت مسافروں کو چیخ کر بتاتا رہا کہ اسے سزائے موت کا خطرہ ہے۔

آئرش فضائی کمپنی کا کہنا ہے کہ  طیارے میں سکیورٹی خطرے کا بتا کر پرواز کی لینڈنگ پر مجبور کیا گیا۔

یورپی رہنماؤں نے طیارے کی جبری لینڈنگ کو ریاستی سطح پر ہائی جیکنگ قرار دیتے ہوئے بیلاروس پر مزید پابندیوں اور فضائی حدود بند کرنے کے اقدامات کی دھمکی دے دی ۔

 برطانیہ نے بیلاروس کے ساتھ روس کو بھی ذمہ دار قرار دیا ۔ یورپی کمپنیوں نے بیلاروس کے لیے پروازیں بند کرنے اور فضائی حدود کے بائیکاٹ کا اعلان کردیا  ہے