پاکستان کی امریکی فوج کیلئے ایئراسپیس اور زمینی روٹس کے استعمال کے دعوے کی تردید

ترجمان دفتر خارجہ زاہد حفیظ چوہدری  نے امریکی نائب وزیر دفاع ڈیوڈ ہیلوے کے دعوے کی تردید کر دی ہے۔پاکستان کی جانب سے امریکی فوج کے لئےائیر اسپیس اور زمینی روٹس کے استعمال کے دعویٰ  پر ترجمان دفتر خارجہ نے ردعمل دیتے ہوئے کہا کہ  پاکستان میں نہ امریکی فوجی موجود ہیں اور نہ ہی کوئی فضائی اڈہ اس کے استعمال میں ہے،اس قسم کی کوئی تجویز زیر بحث نہیں آئی،اس قسم کے بیانات غیر ذمہ دارانہ اور بے بنیاد ہیں۔

 ترجمان دفتر خارجہ  زاہد حفیظ چوہدری نے کہا کہ  پاکستان اور امریکہ کے درمیان ائیر لائنز آف کمیونیکیشن اور گراونڈ لائنز آف کمیونیکیشن کے تحت تعاون کا فریم ورک موجود ہے، اس حوالے سے کوئی نیا معاہدہ طے نہیں پایا ہے۔