پاکستان
بھارت پاکستان کے اندر دہشت گردانہ حملوں میں ملوث ہے،دفتر خارجہ
ممتاز زہرہ بلوچ نے بھارت میں مسلمانوں کی عبادت گاہوں پر حملوں پر بھی شدید تشویش کا اظہار کیا ہے
![بھارت پاکستان کے اندر دہشت گردانہ حملوں میں ملوث ہے،دفتر خارجہ](/media/94240/conversions/26085143e3e07e4-1280x720.jpg)
دفتر خارجہ نےکہا ہے کہ بھارت پاکستان کے اندر دہشت گردانہ حملوں میں ملوث ہے۔
دفترخارجہ کی ترجمان ممتاز زہرہ بلوچ نے آج (جمعرات)اسلام آباد میں اپنی ہفتہ وار نیوز بریفنگ میں کہا کہ بھارتی وزارت خارجہ نے پاکستان میں ملک سے باہر اور ماورائے عدالت قتل میں بھارت کے ملوث ہونے کے حوالے سے ہمارے ٹھوس شواہد کی تردید نہیں کی ہے۔
انہوں نے کہا کہ پاکستان نے اپنے دوست ممالک اور دوسرے متعلقہ ملکوں کو بھارت کے دہشت گردی میں ملوث ہونےکے شواہد سے آگاہ کیا ہےخصوصاً ان ملکوں کو آگاہ کیا گیا جن کے تعاون کی ہمیں زیادہ ضرورت ہے تاکہ دہشت گردی میں ملوث افرادکا محاسبہ کیا جاسکے۔
ترجمان نے کہا کہ بھارت دنیا بھر کے ملکوں میں دہشت گرد حملوں ،ملک سے باہر اور ماورائے عدالت قتل میں ملوث رہا ہے۔
ممتاز زہرہ بلوچ نے بھارت میں مسلمانوں کی عبادت گاہوں پر حملوں پر بھی شدید تشویش کا اظہار کیا ہے۔
انہوں نے کہا بھارت میں مسجدوں کو منہدم کرنے اور ان کی جگہ مندروں کی تعمیر کی بھرپور مہم چل رہی ہے۔ انہوں نے کہا کہ یہ اقدامات آنے والے وقت میں بھارت کی جمہوریت کے منہ پر بد نما داغ کی صورت میں موجود رہیں گے۔
ترجمان نے کہا کہ پاکستان پیر کو یوم یکجہتی کشمیر منائے گا۔
انہوں نے کہا کہ پاکستان جموں و کشمیر کے تنازعے کا اقوام متحدہ کی سکیورٹی کونسل کی قراردادوں کے مطابق منصفانہ اور پر امن حل کے لئے کشمیری عوام کی اخلاقی، سیاسی اور سفارتی حمایت جاری رکھے گا۔
ترجمان نے ایک سوال کا جواب دیتے ہوئے کہا کہ پاکستان، افغانستان سے ہونے والے دہشت گردی کے خطرے کے خدشات کے بارے میں آگاہ ہے۔
انہوں نے افغان حکام پر زور دیا کہ دہشت گرد تنظیموں کےخلاف فوری اور موثر کارروائی کرکے ان کی قیادت کو پاکستان کے حوالے کریں۔
ایران میں نو پاکستانی مزدوروں کے قتل کے سوال پر ترجمان نے کہا کہ یہ غیر انسانی عمل تھا جس کی مذمت پاکستان اور ایران دونوں نے کی۔
انہوں نے کہا کہ پاکستان امید رکھتا ہے کہ واقعے کی تحقیقات مکمل کئے جانے کے بعد اس کی تفصیلات سے پاکستان کو آگاہ کیا جائے گا۔
ممتاز زہرہ بلوچ نے اقوام متحدہ کے منشور اور بین الاقوامی قوانین کے مطابق فلسطینی عوام کے انسانی حقوق، وقار اور تشخص کو برقرار رکھنے کے لئے عالمی عدالت انصاف کے فیصلے پر مکمل عملدرآمد کا مطالبہ کیا۔
تجارت
ایف بی آر نے دو مہینوں میں 1588 ارب روپے کے محصولات جمع کر لئے
دو ماہ کے ہدف 1554 ارب روپے کے مقابلے میں 1456 ارب روپے کے خالص محصولات جمع کئے گئے
![ایف بی آر نے دو مہینوں میں 1588 ارب روپے کے محصولات جمع کر لئے](/media/116824/conversions/l_364406_082400_updates-1280x720.jpg)
فیڈرل بورڈ آف ریونیو نے رواں مالی سال کے دو مہینوں (جولائی اور اگست) میں مجموعی طور پر 1588 ارب روپے کے محصولات جمع کر لئے ہیں۔
دو ماہ کے ہدف 1554 ارب روپے کے مقابلے میں 1456 ارب روپے کے خالص محصولات جمع کئے گئے جبکہ لیکوڈیٹی کے مسائل کے حل کیلئے برآمد کنندگان کو 132 ارب روپے کے ریفنڈز جاری کئے گئے جو گزشتہ سال کے اسی عرصے کے مقابلے میں 44 فیصد زیادہ ہیں۔
ایف بی آر نے انکم ٹیکس کی مد میں 593 ارب روپے جمع کئے جبکہ جولائی-اگست 2023 میں اسی مد میں 437 ارب روپے جمع کئے گئے تھے۔ اس طرح اس مد میں 36 فیصد زیادہ محصولات جمع کئے گئے۔ سیلز ٹیکس کی مد میں 314 ارب روپے جمع کئے گئے جو سال بہ سال کی بنیاد پر 40 فیصد کا صحت مندانہ اضافہ ظاہر کرتا ہے۔ فیڈرل ایکسائز ڈیوٹی کی مد میں 86 ارب جمع کئے گئے جو سال بہ سال کی بنیاد پر 13 فیصد کا اضافہ ظاہر کرتا ہے۔اس کے نتیجہ میں ڈومیسٹک ٹیکسوں کی وصولی میں مجموعی طور پر 35 فیصد کا اضافہ حاصل کیا گیا ہے۔
تاہم درآمدات میں مسلسل کمپریشن کی وجہ سے اس شرح نمو کو برقرار نہیں رکھا جا سکا ہے۔ امریکی ڈالر کے اعتبار سے اگست 2023 کے مقابلے میں اگست 2024 میں درآمدات میں 2.2 فیصد کمی واقع ہوئی ہے۔ اسی طرح سے اگست 2024 کے دوران درآمدت میں اگست 2023 کے مقابلے میں پاکستانی روپے کے حساب سے7 فیصد کمی دیکھنے میں آئی ہے۔
مزید برآں ہائی ڈیوٹی اشیاء جیسے گاڑیاں، گھریلو آلات کے ساتھ ساتھ متفرق اشیاء مثلاً گارمنٹس، فیبرکس، جوتے وغیرہ کی درآمدات میں بھی نمایاں کمی آئی ہے۔ اس رجحان نے کسٹمز ڈیوٹیز اور درآمدات کی سطح پر وصول کئے جانے والے دیگر ٹیکسوں کو متاثر کیا ہے۔ کسٹمز ڈیوٹیز میں 4 فیصد کے اضافہ کے باوجود ایف بی آر کی خالص وصولیوں میں پچھلے سال کے مقابلہ میں مجموعی طور پر 21 فیصد اضافہ ہوا ہے۔
ایف بی آر کے رواں مالی سال کی پہلی سہ ماہی میں محصولات جمع کرنے کے اہداف پورے کرنے کے روشن امکانات ہیں کیونکہ ستمبر میں کم پالیسی ریٹ اور حالیہ مہینوں میں حکومتی سطح پر دیگر اقدامات کی وجہ سے اقتصادی سرگرمیوں اور درآمدات میں اضافہ کی توقع کی جارہی ہے۔
وزیر اعظم پاکستان اور وزیر خزانہ کی نگرانی میں ہونے والی ایف بی آر کی ڈیجیٹائزیشن اور دیگر اصلاحات کی وجہ سے بھی شرح نمو میں اضافہ ہونے کا واضح امکان ہے۔
ان اصلاحات میں سپلائی چین کی اینڈ ٹو اینڈ مانیٹرنگ، آٹو میٹڈ پروڈکشن مانیٹرنگ، پی او ایس، آرٹی فیشل انٹیلی جنس کی بنیا د پر ڈیٹا انٹگریشن، امپورٹ اسکیننگ اور ایف بی آر کی افرادی قوت کی ساکھ پر کڑی نظر رکھنے جیسے اقدامات شامل ہیں۔ ایف بی آر کاروبار کرنے میں آسانیاں لانے اور اسے ترقی دینے کے لئے اپنے بزنس پراسسز کو بھی بہتر بنا رہا ہے۔
پاکستان
سستی بجلی کے حصول کےلئے عوام کو گھروں سے نکلنا پڑے گا، امیر جماعت اسلامی
بجلی کے بل عوام پر بم بن کر گر رہے ہیں، حافظ نعیم الرحمان
![سستی بجلی کے حصول کےلئے عوام کو گھروں سے نکلنا پڑے گا، امیر جماعت اسلامی](/media/116765/conversions/01122251379efd4-1280x720.jpg)
امیر جماعت اسلامی حافظ نعیم الرحمان نے کہا ہے کہ سستی بجلی کے لیے عوام کو گھروں سے نکلنا پڑے گا، بجلی کے بل عوام پر بم بن کر گر رہے ہیں۔
لاہور میں تقریب سے خطاب کرتے ہوئے حافظ نعیم الرحمان کا کہنا تھا کہ سب کا خواب تھا پاکستان میں اسلام کے مطابق زندگی گزاریں، بدقسمتی سے وہ پاکستان اب تک نہیں بن سکا جس کی تمنا تھی، پاکستان بننے پر بھی جماعت اسلامی نے لوگوں کی خدمت کی، جماعت اسلامی کا خدمت کا سلسلہ تب سے اب تک جاری ہے۔
امیر جماعت اسلامی نے کہا کہ ہماری حکومتیں کسی چیز کو مینج کرنے کی صلاحیت نہیں رکھتیں، گورننس ٹھیک نہ ہو تو کوئی بھی چیز مینج نہیں کر سکتے، پاکستان میں سیاستدانوں کی صورت میں حکمران طبقہ برسراقتدار ہے، حکمران طبقہ زیادہ تر وڈیرے اور جاگیر دار ہیں، یہ وہ لوگ ہیں جو اپنی اولادوں کو بہترین قسم کی تعلیم دلواتے ہیں، یہ لوگ غریب کے بچے کو تعلیم سے دور رکھتے ہیں۔
حافظ نعیم الرحمان نے کہا کہ پاکستان میں 2 کروڑ 62 لاکھ بچے سکولوں سے باہر ہیں، بچوں کو پڑھانا مشکل ہے، معیشت کسی اور نے نہیں پورے حکمران طبقے نے خراب کی، حکمران طبقے میں تمام وہ لوگ شامل ہیں جو 77 سال سے اقتدار پر قابض ہیں۔بجلی کا بل بم بن کر گر رہا ہے، بجلی کا بل مکان کے کرائے سے زیادہ آتا ہے، حکمران طبقے نے ہر حکومت میں آئی پی پیز بنائیں، بجلی بنانے والے اداروں کو نجی شعبے میں دیا گیا، آئی پی پیز پاور پلانٹ مہنگی بجلی بنانے کے لیے دیے گئے۔
انہوں نے مزید کہا کہ ن لیگ، پیپلز پارٹی اور پی ٹی آئی نے ہر دور میں آئی پی پیز سے معاہدے کیے، دائیں اور بائیں اے ٹی ایم ہوں تو اکیلا بندہ کیا کرے گا، مفاد پرست طبقہ ان پارٹیوں میں موجود ہوتا ہے، لیڈر دعوے کرتا ہے اور پارٹی لوٹ رہی ہوتی ہے، ہمیں اپنی سوچ، طرز سیاست اور ہر چیز پر سوچنے کی ضرورت ہے۔
امیر جماعت اسلامی حافظ نعیم کا یہ بھی کہنا تھا کہ پاکستان کے حالات جاہلوں نے نہیں پڑھے لکھے لوگوں نے خراب کیے، 74 فیصد نوجوان کہتے ہیں پاکستان میں نہیں رہنا، پاکستان کا کونسا تعلیمی ادارہ ہے جہاں منشیات نہیں فروخت ہو رہیں، تھانوں میں رشوت کا نظام اوپر تک چلتا ہے، ہمارے بچوں کے جسموں میں منشیات کی صورت میں زہر اتارا جارہا ہے۔
حافظ نعیم الرحمان الرحمان نے کہا کہ مایوس ہو کر گھر بیٹھ گئے تو یہ مزید بجلی، گیس مہنگی اور خیرات دیں گے، بادشاہ سلامت نے 14 روپے سستے کر کے ہمیں خیرات دی ہے، آئی پی پیز کی اپنی کیپسٹی پیمنٹ بند کریں، ہمیں خیرات نہیں اپنا حق چاہیے۔
امیر جماعت اسلامی نے مزید کہا کہ ظلم کا نظام ختم ہونا چاہیے، پاکستان میں اس وقت سیاست بازی ہو رہی ہے،عوام کو پوچھنے والا کوئی نہیں، تنخواہ دار طبقے پر ٹیکس سلیب لگا، کسی نے بات کی؟ صرف جماعت اسلامی ہر مسئلے پر بات کرتی ہے۔
کھیل
راولپنڈی ٹیسٹ، بنگلہ دیش کی پوری ٹیم پہلی اننگز میں 262 رنز پر آؤٹ
پاکستان کو بنگلہ دیش کے خلاف 12 رنز کی برتری حاصل ہے
![راولپنڈی ٹیسٹ، بنگلہ دیش کی پوری ٹیم پہلی اننگز میں 262 رنز پر آؤٹ](/media/116805/conversions/BeFunky-collage1-75-1280x720.jpg)
راولپنڈی کرکٹ اسٹیڈیم میں کھیلے جانیوالے ٹیسٹ میچ میں بنگلہ دیش کی پوری ٹیم پہلی اننگز میں 262 رنز پر آؤٹ ہوگئی۔ پاکستان کو بنگلہ دیش کے خلاف 12 رنز کی برتری حاصل ہے۔
بنگلہ دیش ٹیم کے 26 رنز پر 6 کھلاڑیوں کے آؤٹ ہونے کے بعد لٹن داس نے ٹیم کو سنبھالا اور 138 رنز کی شاندار اننگز کھیلی۔ مہدی حسن نے بھی اچھی بیٹنگ کا مظاہرہ کرتے ہوئے 78 رنز بنائے۔
.@SalmanAliAgha1 gets the last two wickets ☄️
— Pakistan Cricket (@TheRealPCB) September 1, 2024
Bangladesh are all out for 262 as Pakistan earn a 12 runs lead 🏏#PAKvBAN | #TestOnHai pic.twitter.com/YPRVEz9tzV
دیگر کھلاڑیوں میں شادمان اسلام 10، نجم الحسن 4، مشفق الرحیم 3، شکیب الحسن 2، مومن الحق اور ذاکر حسن ایک ایک رن بنا کر آؤٹ ہوئے۔
پاکستان ٹیم کی جانب سے خرم شہزاد نے 6 کھلاڑیوں کو آؤٹ کیا، جبکہ میر حمزہ اور سلمان علی آغا نے 2،2 وکٹیں حاصل کیں۔ پاکستانی ٹیم اپنی پہلی اننگز میں 274 رنز بنا کر آؤٹ ہوئی۔
-
پاکستان ایک دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
پاکستان 2 دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
علاقائی 13 گھنٹے پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز
-
تفریح 14 گھنٹے پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے
-
پاکستان 2 دن پہلے
فراڈ الیکشن باعث سیاسی عدم استحکام اور دہشت گردی میں اضافہ ہو رہا ہے، عمران خان
-
تجارت ایک دن پہلے
مریم اورنگزیب نے بجلی بلوں میں ریلیف کی تفصیلات جاری کردیں
-
تجارت ایک دن پہلے
ملک بھر میں سونے کی قیمتوں میں اضافہ
-
تجارت ایک دن پہلے
پیٹرولیم مصنوعات کی قیمتوں میں کمی کا اعلان