سیاسی پارٹیوں کی انتخابی مہم زورو شور سے جاری

ملک بھر میں سیاسی جماعتوں اور آزاد امیدواروں کی انتخابی مہم جاری ہے ، سیاسی جماعتیں جلسے کررہی ہیں اور امیدوار ووٹرز تک اپنا پیغام پہنچانے کیلئے کارنر میٹنگز کررہے ہیں۔

الیکشن کمیشن نے عام انتخابات کے لئے نوے ہزار چھ سوپچھہتر پولنگ اسٹیشنز قائم کیے ہیں۔

پنجاب میں پولنگ اسٹیشنوں کی تعدادپچاس ہزار نوسو چوالیس، سندھ میں انیس ہزار چھ، خیبرپختونخوامیں پندرہ ہزار چھ سو ستانوے اور بلوچستان میں پانچ ہزار اٹھائیس پولنگ اسٹیشنز قائم کیے گئے ہیں۔قومی اسمبلی اور چار وںصوبائی اسمبلیوںکے انتخابات کے لئے بارہ کرو ڑ سے زائد اہل ووٹرز جمعرات کو اپنا حق رائے دہی استعمال کریں گے۔قومی اسمبلی کی نشستوں کے لئے پانچ ہزار ایک سو اکیس امیدوار مدمقابل ہیں ۔

ان میں سے 41400 مشترکہ پولنگ اسٹیشنز ہیں جبکہ مردوں کیلئے 25320 اور خواتین ووٹرزکے لئے تئیس ہزار نوسو باون پولنگ اسٹیشنز قائم کیے گئے ہیں۔

ان میں چارہزارآٹھ سو سات مرد،تین سو بارہ خواتین اور دوخواجہ سراء امیدوار شامل ہیں۔چاروں صوبائی اسمبلیوں کے لئے مجموعی طورپر بارہ ہزار چھ سو پچانوے امیدوار میدان میں اتریں گے جن میں بارہ ہزار ایک سو تئیس مرد،پانچ سو ستر خواتین اور دو خواجہ سراء امیدوار شامل ہیں۔یہ انتخابات قومی اسمبلی کی دوسو چھیاسٹھ جنرل نشستوںاور صوبائی اسمبلیوں کی پانچ سو ترانو ے جنرل نشستوں پر منعقد ہوں گے۔