یوم یکجہتی کشمیر کل پورے جوش و جذبے کے ساتھ منایا جا ئے گا

یوم یکجہتی کشمیر کل اس عزم کی تجدید کے ساتھ منایا جا ئے گا کہ کشمیریوں کے ناقابل تنسیخ حق خودارادیت کے حصول کی منصفانہ جدوجہد کی حمایت جاری رکھی جائے گی۔

ملک بھر میں مختلف مکاتب فکر سے تعلق رکھنے والے افراد ریلیاں اور مظاہرے کریں گے اور انسانی ہاتھوںکی زنجیر بنائیں گے تاکہ کشمیریوں میں نیا جذبہ بیدار کیا جاسکے جو اپنی آزادی کی جنگ لڑ رہے ہیں۔بیرون ملک تمام پاکستانی مشنز کشمیریوں کی حالت زار کی طرف دنیا کی توجہ مبذول کرانے کیلئے سیمینارز اور تصویری نمائشوںکا انعقاد کریں گے۔

قومی میڈیا کے اوپر مختلف پروگرامز ریکارڈ کیے جا ئیں گے  جن میں یوم یکجہتی کشمیر اور غیرقانونی بھارتی قبضے کے خلاف کئی عشروں پر محیط کشمیریوں کی جدوجہد آزادی کو اجاگر کیا جائے گا۔