حلیمہ خان کا ایف آئی اے طلبی کے نوٹس چیلنج کرنے کا فیصلہ

بانی چیئرمین پی ٹی آئی عمران خان کی ہمشیرہ علیمہ خان نے ایف آئی اے طلبی کے دونوں نوٹس اسلام آباد ہائیکورٹ میں چیلنج کرنے کا فیصلہ کرلیا۔

اس سلسلے میں سابق وزیراعظم کی بہن علیمہ خان اسلام آباد ہائیکورٹ پہنچیں جہاں انہوں نے درخواست دائر کرنے کے لیے بائیو میٹرک تصدیق کروائی۔

درخواست میں استدعا کی گئی کہ ایف آئی اے سائبر کرائم سرکل کا 2 فروری کا نوٹس معطل کیا جائے جبکہ ایف آئی اے کو علیمہ خان کے خلاف شواہد اور ریکارڈ فراہم کرنے کا حکم دیا جائے۔

اسلام آباد ہائیکورٹ میں دائر درخواست میں مزید استدعا کی گئی کہ عدالت ایف آئی اے نوٹس کو کالعدم بھی قرار دے۔

علیمہ خان وکیل شیراز احمد رانجھا کے ہمراہ اسلام آباد ہائیکورٹ پہنچیں، کچھ دیر بعد ایف آئی اے طلبی کے دونوں نوٹس چیلنج کیے جائیں گے۔

یاد رہے کہ ایف آئی اے سائبر کرائم اور انسداد دہشت گردی ونگ نےعلیمہ خان کو طلبی کے نوٹس بھیجے تھے۔