حلقہ این اے 75 نارووال سے آزاد امیدوار دانیال عزیز گرفتار

قومی اسمبلی کےحلقہ این اے 75 نارووال سے آزاد امیدوار دانیال عزیز کو گرفتار کر لیا گیا۔

دانیال عزیز کی اہلیہ نے اپنے دیڈیو پیغام میں دعویٰ کیا کہ ان کے شوہر کو دوپہر ساڑھے 12 بجے موڑ سلہریاں سے گرفتار کیا گیا ہے۔

اہلیہ کے مطابق دانیال عزیز 4، 5 صژحافیوں کے ہمراہ پولنگ اسٹیشن کا جائزہ لے رہے تھے، وہاں پولیس کا ناکہ تھا، صحافی فوٹیج بنا رہے تھے کہ اس دوران انہیں زدوکوب کیا گیا اور دھکے دیئے گئے۔

دانیال عزیز کی اہلیہ کا بیان ، دانیال کو گرفتار کرلیا گیا pic.twitter.com/YE77lAiGWx

— Sabir Shakir (@ARYSabirShakir) February 8, 2024

انہوں نے کہا کہ صحافیوں کے مطابق دانیال کو سڑک پرلٹا کر مارا گیا اور ان کے موبائل فونز بھی لے لیے گئے۔

دانیال عزیز کی اہلیہ نے الزام عائد کیا کہ اس معاملے میں احسن اقبال اور احمد اقبال کا ہاتھ ہے کیونکہ دانیال اپنے حلقے سے جیت ریے تھے جو کہ انہیں ہضم نہیں ہورہا تھا۔

اہلیہ نے مطالبہ کیا کہ دانیال عزیز کو فوری رہا کیا جائے بصورت دیگر اس حلقے سے الیکشن کالعدم قرار دیئے جائیں۔