سلمان اکرم راجہ کا حلقہ این اے 128 میں آر او کے دفتر پرلاٹھی بردار لوگوں کےحملے کا الزام

پاکستان تحریک انصاف کے رہنما اور حمایت یافتہ آزاد امیدوار سلمان اکرم راجہ نے کہا ہے کہ حلقہ این اے 128 میں آر او کے دفتر پر 25 لاٹھی بردار لوگوں نےحملہ کیا۔

سوشل میڈیا پلیٹ فارم ایکس پر اینے ویڈیو پیغام میں سلمان اکرم راجہ نے کہا ہے کہ مشتعل افراد پولیس کی ناکہ بندی توڑ کر آر او کے دفتر میں گھس گئے اس واقعہ کو جواز بناتے ہوئے متعلقہ ایس پی نے مجھے آر او کے آفس سے نکال دیا۔میرا قانونی حق ہے کہ میں آر او کے دفتر میں موجود رہوں جب تک پریذائڈنگ افسر کی طرف سے موصول ہونے والے نتائج کو ترتیب دیا جائے۔ لیکن مجھے زبردستی احاطے سے نکال دیا گیا۔

By the grace of Allah PTI is leading at every polling station of NA 128 Lahore. Following a suspicious incident at the RO's office I have been illegally evicted from the premises. The process of compilation of results cannot proceed in my absence. I must be allowed back in. pic.twitter.com/TbHlRgImYq

— salman akram raja (@salmanAraja) February 8, 2024

انہوں نے کہا کہ میں متعلقہ حکام اور عوام کو بتانا چاہتا ہوں اگر ہماری غیر موجودگی میں رزلٹ میں کوئی تبدیلی کی گئی تو جو بن پڑے گا وہ کریں گے۔قانونی چارہ جوئی بھی کریں گے۔ ہم کسی قسم کا فراڈ نہیں ہونے دیں گے عوام اپنا فیصلہ دیں چکے ہیں۔میری موجودگی میں جتنے بھی پولنگ اسٹیشنز کے رزلٹ آئے ان میں ہماری واضح اکثریت تھی اور یہ برتری پورے حلقےمیں پھیلی ہوئی تھی اور نظر آ رہا ہے کہ پورے حلقے کی عوام نے پی ٹی آئی کے حق میں فیصلہ دیا ہے۔