ااسٹیٹ بینک آف پاکستان کی جانب سے  شرح سود میں 2 فیصد کی کمی کردی گئی۔ 

اسٹیٹ بینک آف پاکستان کی جانب سے جاری مانیٹری پالیسی بیان کے مطابق شرح سود میں 2 فیصد کمی کی گئی جس کے بعد شرح سود 15 فیصد سے کم ہوکر 13 فیصد ہوگئی ہے۔  

گورنر اسٹیٹ بینک کے زیر صدارت اجلاس ہوا جس میں نئی مانیٹری پالیسی وضع کی گئی،اجلاس کے بعد اسٹیٹ بینک کا اعلامیہ جاری کردیا گیا۔

اسٹیٹ بینک کی جانب سے جاری کردہ اعکامیے  کے مطابق نومبر 2024 میں مہنگائی کی شرح 78 ماہ کی کم ترین سطح 4.90 فیصد تک گرگئی ہے، اور روپے کی قدر میں استحکام دیکھا جارہا ہے اور معاشی اعداوشمار بہتر ہورہےہیں۔

واضح رہے کہ اسٹیٹ بینک کی جانب سے شرح سود میں کمی کا تسلسل جاری ہے اور یہ پانچویں بار شرح سود کم کی گئی ہے۔

اسٹیٹ بینک کی جانب سے رواں سال شرح سود میں 9 فیصد کمی کی گئی۔ 

لاہور: پنجاب اسمبلی نے اراکین اسمبلی کی تنخواہوں میں اضافے کا بل منظور کر لیا جس کے بعداراکین پنجاب اسمبلی کی تنخواہ 76 ہزار سے بڑھ کر4 لاکھ ہو گئی۔

بل کی منظوری کے بعد اب صوبائی وزراء کی تنخواہ 1 لاکھ سے بڑھا کر 9 لاکھ 60 ہزار کر دی جائے گی، جبکہ ا سپیکر پنجاب اسمبلی کی تنخواہ 1 لاکھ 25 ہزار سے بڑھا کر 9 لاکھ 50 ہزار کر دی جائے گی۔

ڈپٹی اسپیکر پنجاب اسمبلی کی تنخواہ 1 لاکھ 20 ہزار سے بڑھا کر 7 لاکھ 75 ہزار کردی گئی، پارلیمانی سیکرٹریز کی تنخواہ 83 ہزار سے بڑھا کر 4 لاکھ 51 ہزار ہوئی ۔

علاوہ ازیں بل کی منظوری کے بعد اب سپیشل اسسٹنٹ کی تنخواہ 1 لاکھ سے بڑھا کر 6 لاکھ 65 ہزار کر دی جائے گی، اب ایڈوائزر کی تنخواہ 1 لاکھ سے بڑھا کر 6 لاکھ 65 ہزار کر دی جائے گی۔

وزیراعلیٰ خیبر پختونخوا علی امین گنڈا پور بانی پی ٹی آئی  سے ملاقات کرنے اڈیالہ جیل اجازت نہیں پہنچے تا ہم اجازت نہ ملنے  کے باعث وہ ملاقات کئے بغیر اڈیالہ جیل سے واپس چلے گئے۔

بانی پی ٹی آئی سے ملاقات کیلئے  وزیراعلیٰ کے پی علی امین گنڈا پور اڈیالہ جیل پہنچے تاہم علی امین گنڈاپور کو اڈیالہ جیل کے باہر روک دیا گیا۔

بعد ازاں جیل عملے نے علی امین کو آگاہ کیا کہ ابھی ملاقات سےمتعلق کوئی اطلاع نہیں جس کے بعد وزیراعلیٰ کے پی پروٹوکول کے ہمراہ اڈیالا جیل سے گورکھ پور کی طرف روانہ ہوگئے۔