ریلی روسو کو کوئٹہ گلیڈی ایٹرز کا کپتان مقررکر دیا گیا

لاہور: قومی کرکٹ ٹیم کے وکٹ کیپر بلے باز سرفراز احمد نے منگل کو کوئٹہ گلیڈی ایٹرز کی کپتانی سے استعفیٰ دے دیا جب کہ ریلی روسو کو کوئٹہ گلیڈی ایٹرزٹیم کا نیا کپتان مقرر کر دیا گیا ہے ۔

ذرائع کا کہنا ہے کہ سرفراز احمد نے کپتانی سے مستعفی ہونے کا فیصلہ کوچ شین واٹسن کی تجویز پر کیا ۔ 

وہ کوئٹہ گلیڈی ایٹرز کی نمائندگی کرتے ہوئے پی ایس ایل سیزن 9 میں بطور کھلاڑی اپنا کردار ادا کرتے رہیں گے۔

 ریلی روسو کو آئندہ پی ایس ایل سیزن کے لیے کوئٹہ گلیڈی ایٹرز کا نیا کپتان نامزد کیا گیا ہے، سعود شکیل کو نائب کپتان مقرر کیا گیا ہے۔

کوئٹہ گلیڈی ایٹرز کے مالک ندیم عمر نے خصوصی گفتگو میں انکشاف کیا کہ سرفراز احمد نے ٹیم کے اندر قیادت کی ذمہ داریوں سے وقفہ لینے کا عندیہ دیا تھا ،  کوچ شین واٹسن نئے کپتان کی تقرری کو حتمی شکل دینے کے لیے ٹیم انتظامیہ سے مشاورت کریں گے۔

 سرفراز احمد کی قیادت میں  پاکستان نے 2019 مِیں ٹائٹل اپنے نام کیا۔