ڈیرہ غازی خان میں انسداد پولیومہم کا آغاز

ڈیرہ غازی خان میں5 روزہ انسداد پولیومہم 26فروری سے شروع ہو گی۔

ترجمان محکمہ صحت ڈیرہ غازی خان کے مطابق مہم 26فروری سے شروع کر یکم مارچ تک جاری رہے گی۔انہوں نے بتایا کہ حکومت پنجاب کے احکامات کے مطابق ڈیرہ غازیخان انتظامیہ انسداد پولیو کیلئے الرٹ ہے اور ڈسٹرکٹ ڈیرہ غازی خان میں پونے آٹھ لاکھ بچوں کو پولیو کے حفاظتی قطرے پلائےجائیں گے۔

اس حوالے سے انسداد پولیو مہم بارے اجلاس ڈپٹی کمشنر مہر شاہد زمان لک کی زیرصدارت کمیٹی روم میں منعقد ہوا۔اجلاس میں ایڈیشنل ڈپٹی کمشنر غلام مصطفیٰ،سی ای اوہیلتھ ڈاکٹر ادریس لغاری،ڈی ایچ او ڈاکٹر علی ہاشم،ڈی ایس وی عطاء اللہ ساجد،ڈبلیو ایچ او،یونیسیف کے نمائندوں سمیت متعلقہ افسران شریک تھے۔

اجلاس سے خطاب کرتے ہوئے ڈپٹی کمشنر کہا کہ ضلع سے پولیو خاتمے کیلئے بھرپور جدوجہد کی جائے اور مہم پر سنجیدگی سے کام کیا جائے،اس حوالے سے کسی کوتاہی کو برداشت نہیں کیا جائے گا۔مطلوبہ اہداف کا حصول لازمی ہے لہذا موثر حکمت عملی سے کام لیا جائے۔

مہر شاہد زمان لک نے کہا کہ مہم کے دوران موقع پر کام کی چیکنگ ہوگی اور میں خود بھی فیلڈ وزٹس کروں گا۔انہوں نے کہا کہ مائیکرو پلان کے تحت پولیو ورکرز کو ایکٹیو کیا اور تاکہ ماضی کی غلطیوں کو نہ د ہرایا جائے،اگر مہم میں کوتاہیاں سامنے آئیں تو ذمہ داروں کو سخت تادیبی کارروائیوں کا سامنا کرنا پڑے گا۔