آر پی او راولپنڈی سید خرم علی 15 دن کی رخصت پر برطانیہ روانہ

سابق کمشنر راولپنڈی لیاقت چٹھہ کی پریس کانفرنس کے بعد ریجنل پولیس آفیسر (آر پی او) راولپنڈی سید خرم علی 15 دن کی رخصت پر ملک چھوڑ گئے۔

پولیس ترجمان نے بتایا کہ آر پی او سید خرم علی 16 فروری کو چھٹی پر چلے گئے تھے۔ کل کی پریس کانفرنس میں آر پی او کا نام شامل کرنے پر سوالات اٹھائے جا رہے ہیں۔

ترجمان کا کہنا ہے کہ آرپی او سید خرم علی فیملی کے ہمراہ برطانیہ گئے ہیں، 2 مارچ کو واپس آئیں گے۔ آر پی او سید خرم علی نے انتخابات سے قبل چھٹی کی درخواست دی تھی۔

ترجمان راولپنڈی پولیس کے مطابق آر پی او سید خرم علی ایک ماہ قبل چھٹی اپلائی کی تھی، جو دو ہفتے قبل منظور ہوئی، خرم علی 18 فروری سے 02 مارچ تک ایکس پاکستان لیو پر ہیں، آر پی او کے عہدے کا چارج سی پی او راولپنڈی سید خالد ہمدانی کے پاس ہے۔