محکمہ تعلیم کا بچیوں کو سکولوں کی طرف راغب کرنے کے لیے بڑا قدم

تفصیلات کے مطابق   محکمہ تعلیم خیبرپختونخوا نے   بچیوں کو سکولوں کی طرف راغب کرنے کے لیے بڑا قدم اٹھا لیا۔بچیوں کو سالانہ وظائف کی فراہمی کیلئے دو ارب تین کروڑ روپے جاری کردیے ۔

محکمہ تعلم کی جانب سے جاری مراسلے میں کہا گیا ہے کہ صوبے کے 26 اضلاع میں طالبات کو وظائف دئیے جائیں گے، چھٹی سے آٹھویں جماعت تک کی طالبات کو دو سو روپے ماہانہ فراہم کیا جائے گا، نویں اور دسویں جماعت کی اہل طالبات کیلئے 5 سو روپے ماہانہ وظیفہ مقرر کیا گیا ہے۔

وزیر  تعلیم خیبرپختونخوا  شہرام ترکئی کا کہنا ہے کہ  صوبے بھر میں مجموعی طور پر پانچ لاکھ 48 ہزار 316 قابل بچیوں وظائف دے رہے ہیں،  بچیوں کی انرولمنٹ بڑھانے اور ڈراپ آوٹ کم کرنے کیلئے یہ قدم اٹھایا گیا،  اقدام کا مقصدمیدانی علاقوں سمیت بالائی اضلاع کی خواتین کو تعلیم کی طرف راغب کرنا ہے۔