مریم نواز نے این اے 119 سے استعفیٰ دے دیا

لاہور: پاکستان مسلم لیگ نواز (پی ایم ایل این) کی جانب سے نامزد وزیراعلیٰ پنجاب مریم نواز نے رضاکارانہ طور پر این اے 119 کی نشست چھوڑ دی ہے۔

تفصیلات کے مطابق مریم نواز نے قومی اسمبلی کے حلقہ این اے 119 سے استعفیٰ دے دیا ہے۔

خیال رہے کہ مریم نواز کو وزیراعلیٰ پنجاب کے عہدے کے لیے نامزد کیا گیا ہے اور قانون کے مطابق منتخب رکن صرف ایک نشست رکھ سکتا ہے۔ 

مریم نواز نے این اے 119 سے دستبرداری کا خط الیکشن کمیشن کو بھجوا دیا، اس نشست پر اب الیکشن کمیشن ضمنی انتخابات کروائے گا۔

دوسری جانب پنجاب میں اقتدار کی منتقلی کا مرحلہ شروع ہوگیا ہے کیونکہ عام انتخابات کے بعد پنجاب اسمبلی کا پہلا اجلاس آج (جمعہ) سے شروع تھا جو تارخیبر کا شکار ہے۔

اجلاس صبح 10 بجے سپیکر سبطین خان کی زیر صدارت طلب کیا گیا ہے اور آج ہونے والے اجلاس میں نومنتخب ارکان حلف اٹھائیں گے۔ جس کے بعد نئے سپیکر کا انتخاب ہو گا جبکہ اگلے مرحلے میں وزیر اعلیٰ کا انتخاب ہو گا۔