ایران : متعدد گاڑیاں ٹکرانے سے 5 افراد ہلاک 5 زخمی

ایران کے مغربی صوبے ایلام میں متعدد گاڑیوں کے آپس میں ٹکرانے سے 5افراد ہلاک اور 5زخمی ہوگئے ۔

چینی خبررساں ادارے کے مطابق صوبہ ایلام میں ہلال احمر سوسائٹی کے سربراہ حمزہ محمدی مقدام نے میڈیا کو بتایا کہ صوبائی دارالحکومت ایلام سے مہران کاؤنٹی جانے والی سڑک پر مقامی وقت کے مطابق صبح 10:05 بجے تین سیمی ٹریلر ٹرکوں اور تین کاروں کے درمیان تصادم ہوا جس کے نتیجے میں 5افراد ہلاک اور 5زخمی ہوگئےہیں ۔

انہوں نے کہا کہ حادثے کی اطلاع ملتے ہی 13 آپریشنل ریسکیو ٹیمیں فوری طور پر جائے وقوعہ پر بھیجی گئیں اور زخمیوں کو طبی مراکز میں منتقل کر دیا گیا ہے۔

انہوں نے مزید بتایا کہ ابتدائی اطلاعات کے مطابق حادثہ سیمی ٹریلر ٹرک میں سے ایک کے بریک سسٹم میں تکنیکی خرابی کے باعث تصادم ہوا ہے تاہم صوبائی ٹریفک پولیس کے سربراہ ابوالفضل کہزادی کی زیرنگرانی ایک تحقیقاتی ٹیم حادثے کی تحقیقات کر رہی ہے۔