بشار الاسد چوتھی بار شام کےصدر منتخب

تفصیلات کے مطابق شام کے صدر بشار الاسد نےصدارتی   انتخابات میں 95.1 فیصد ووٹ حاصل کیے ، بشارالااسد مزید سات سال اقتدار میں رہیں گے ۔ یہ انتخابات سرکار کے کنٹرول والے علاقوں اور کچھ ممالک میں شام کے سفارتخانوں میں کرائے گئے تھے۔14 ملین سے زائد شامی باشندوں نےووٹ ڈالا، سربراہ پارلیمنٹ نے نتائج کا اعلان کرتے ہوئے کہا کہ ٹرن آوٹ 78فیصدرہا ہے ۔    بشار الاسد کے مدمقابل انتخابات میں دو امیدوار تھے  جن میں سابق وزیر مملکت عبداللہ سلوم عبداللہ اور ایڈوکیٹ محمود مرعی تھے۔

دوسری جانب شام کی اپوزیشن جماعتوں نے   الیکشن کو ایک ڈھونگ قرار دیا اور   انتخابات میں دھوکہ دہی کاالزام عائد کیا ہے۔جبکہ انتخابات  کو مغربی ممالک نے بھی جعلی قرار دیتے ہوئے کہا کہ یہ انتخابات آزادانہ اور منصفانہ نہیں تھے۔

خیال رہے کہ بشار الاسد سال 2000 سے صدر کے عہدے پر فائز ہیں۔ انھوں نے اپنے والد مرحوم حافظ الاسد کی جگہ یہ عہدہ سنبھالا تھا، جنہوں نے 25 سال سے زیادہ عرصے تک شام پر حکومت کی تھی۔