سب کے ساتھ مل کر ٹیم کی طرح کام کرنا چاہتی ہوں، مریم نواز

نومنتخب وزیراعلیٰ پنجاب مریم نواز نے کہا ہے کہ میرے سامنے وہ نوجوان ہیں جن کے پاس تعلیم ہے، ہنر ہے لیکن نوکری نہیں ہے۔عوام کا حق ان کی دہلیز پر پہنچانا ہماری اولین ترجیح ہے۔مجھے پتا ہے کہ لوگ ن لیگ سے کیا توقعات رکھتے ہیں۔

پنجاب اسمبلی سے پہلا خطاب کرتے ہوئے نومنتخب وزیراعلیٰ پنجاب مریم نواز نے کہا کہ اللہ تعالیٰ کا سر جھکا کر عاجزی سے شکر ادا کرتی ہوں، قدرت کے نظام میں انسان کو مشکلات سے گزارنا اور ہھر اس کو عزت سے نوازنا ہوتا ہے، میں سر جھکا کر شکر ادا کرتی ہوں۔ حکومت کا کام کاروبار کرنے والوں کو سازگار ماحول فراہم کرنا ہے۔ ہیلپ لائن کے ذریعے عوام کے مسائل حل کروں گی میری جیت ہر خاتون کی فتح ہے۔ اپنے مخالفین کا شکریہ ادا کرتی ہوں جنہوں نے مجھے انتا مضبوط بنایا۔ آج سے پرائس کنٹرول کمیٹی کا اجلاس شروع کر رہی ہوں۔کرپشن پر زیروں ٹالرنس ہوں گی، شفاف میکنزم لا رہے ہیں تاکہ رشوت کا خاتمہ ہوں۔ جب عوام کو قطاروں میں لگا دیکھتی ہوں تو مجھے تکلیف ہوتی ہے۔ سیاسی تفریق سے بالاتر ہو کر پنجاب کے عوام کی خدمت کرنی ہے۔ہم نگہبان کے نام سے رمضان ریلیف پیکج بنانے لگے ہیں۔

انہوں نے کہا کہ اپوزیشن کے لیے میرے دل اور چیمبر کے دروازے ہمیشہ کھلے ہیں، سب کے ساتھ مل کر ٹیم کی طرح کام کرنا چاہتی ہوں، میرے دل میں انتقام اور بدلے کا کوئی جذبہ نہیں، امتحانات اور قیدی تنہائی سے گزر کر یہاں پہنچی ہوں، اپوزیشن ارکان کا ایوان میں موجود نہ ہونا افسوسناک ہے، مشکلات کے باوجود ہم نے میدان خالی نہیں چھوڑا، میں سب کی وزیراعلیٰ ہوں، دل میں کسی کے لیے کوئی بدلے کا جذبہ نہیں۔

اسپیکر اور ڈپٹی اپسیکر کو مبارکباد دیتے ہوئے مریم نے امید ظاہر کی کہ ان کی قیادت میں ایوان جمہوریت کے پرچم کو سربلند رکھے گا۔ مریم نواز نے کہا کہ خواہش تھی اپوزیشن ممبران یہاں ہوتے، پم پر بھی مشکل وقت آئے جب پر چیز ہمارے خلاف تھی لیکن ہم نے بطور جماعت میدان خالی بنہیں چھوڑا۔ اپوزیشن میری تقریر کے دوران موجود ہوتی ، شور شرابہ کرتی تو مجھے خوشی ہوتی۔ پیغام دوں گی کہ میں ووٹ دینے والوں کی بھی وزیراعلیٰ اور ان کی بھی وزیراعلیٰ ہوں جنہوں نے مجھے ووٹ نہیں دیا، میرے دفتر اور دل ،کے دروازنے 24 گھنٹے اپنی جماعت کی طرح ان کے لیے بھی کھلے ہیں،

نوازشریف، شہباز شرہف سمیت پوری جماعت کا شکریہ ادا کرنے والی مریم نواز نے مزید کہا کہ پی پی، آئی پی پی، ق لیگ اور ضیاء لیگ کے ایک رکن کا شکریہ ادا کرتی وہں جنہوں نے ہمیں ووٹ دیا۔ جتنی ن لیگ کی وزیراعلیٰ ہوں اتنی ان کی بھی ہوں وعدہ لکرتی ہون، میرا یہاں موجود ہونا ہر سیایس کارکن کی خدمات کااعتراف اور اس کے لیے ایک شاباش ہے۔ میرا یہ تاریخی اعزاز پاکستان کی ہر ماں ، بیٹی اوربہن کا اعزاز ہے کہ آج پاکستان کی پہلی خاتون وزیراعلیٰ یہاں کھڑی ہیں۔ دعا کرتی ہوں کہ یہ سلسلہ آگے بڑھے اور کل کو کوئی اور خاتون میری جگہ لے۔

انہوں نے مزید کہا کہ میرے دل میں کسی کے لیے انتقام یا بدلے کا جذبہ نہیں، خود پر ہونے والے مظالم گنوانے والی مریم نے کہا کہمجھے ظلم اور انتقام کا نشانہ باننے والی مخالفین کی شکرگزار ہوں ، انہوں نے مجھ پر احسان کیا اور ایسی ٹریننگ سے گزارا جس کا کوئی نعم البدل نہیں،آج جہاں کھڑی ہوں اس میں اس پورے عمل کا بہرت بڑا عمل دخل ہے اس لیے ان کا شکریہ ادا کرنا چاہتی ہوں، آج ایک تاریخ بن رہی ہے جو ہرخاتون کی فتح ہے۔

مرحوم والدہ کو یاد کرنے والی مریم نواز نے کہا کہ وہ جسمانی طور پر میرے ساتھ نہیں لیکن روحانی طور پر موجود ہیں ، انہوں نے مجھے ہر مشکل کاسامنا کرنا سکھایا۔ میں اپنی تعلیمی درسگاہوں ، پرنسپل اور اساتذہ کی بھی شکر گزار ہوں۔