مریم نواز آج سیکرٹریٹ پنجاب کا دورہ کریں گی

لاہور: وزیراعلیٰ مریم نواز آج (منگل کو) سول سیکرٹریٹ پنجاب کا دورہ کریں گی۔

تفصیلات کے مطابق مریم نواز چیف سیکرٹری اور انسپکٹر جنرل (آئی جی) سمیت تمام محکموں کے سیکرٹریز اور پولیس افسران سے ملاقات کریں گی۔

صوبائی حکومت نے تمام صوبائی سیکرٹریز، ڈائریکٹر جنرلز اور پولیس افسران کو آج صبح 9 بجے ہال سول سیکرٹریٹ پہنچنے کی ہدایت کی ہے۔

تمام کمشنرز، ریٹرننگ پولیس افسران اور ڈپٹی کمشنرز کو ویڈیو لنک کے ذریعے اجلاس میں شرکت کی ہدایت کی گئی ہے۔

واضح رہے کہ مریم نواز گزشتہ روز 220 ووٹ لے کر وزیراعلیٰ پنجاب منتخب ہوئیں۔