انکوائری ہونی چاہیے کہ 9 مئی سے کس کو فائدہ ہوا، وزیرا علیٰ خیبر پختونخوا

وزیر اعلیٰ کے پی علی امین گنڈا پور نے کہا ہے کہ ملک کے معاشی حالات اور عوام کو اس حالت میں لانے والا یہی وزیراعظم اور یہی پی ڈی ایم تھی، عمران خان کی ترجیحات صوبہ میں امن و امان قائم کرنا ہے، غربت کا خاتمہ کرنا ہے روزگار دینا ہے ایک فلاحی صوبہ بنا کر عام آدمی کو سہولت دینا ہے انصاف دینا ہے، صحت کارڈ ایک ہفتے میں بحال کررہے ہیں۔

وزیراعلیٰ خیبرپختونخوا علی امین گنڈا پورنے پی ٹی آئی سے اڈیالہ جیل میں ملاقات کےبعد ،میڈیا سے گفتگو میں کہا ہے کہ انکوائری ہونی چاہیے کہ 9 مئی سے کس کو فائدہ ہوا،  اس حوالے سے چیف جسٹس سےجوڈیشل کمیشن بنانے کی درخواست کی ہے، بانی پی ٹی آئی جلد رہا ہوں گے۔

انہوں نےکہا کہ بانی پی ٹی آئی جلد رہا ہوں گے ، ایسانظام بنائیں گے کہ عوام کامینڈیٹ چوری نہ ہو۔ جیل میں قید بانی پی ٹی آئی جذبہ پہلے کی طرح ہے، وہ قائم ودائم ہیں اور کہتے ہیں کہ انصاف ہوناچاہیئے۔ عوامی مینڈیٹ چوری کرنے کاحق کسی کو نہیں، ہمارالیڈرحق اورسچ پرہےاللہ ہماری مددکرے گا، بانی پی ٹی آئی انشاءاللہ جلد رہا ہوں گے۔

علی امین گنڈا پورکا کہنا تھا کہ ایسانظام بنائیں گےکہ عوام کامینڈیٹ چوری نہ ہوسکے،انکوائری ہونی چاہیےکہ9مئی سےکن کوفائدہ ہواچیف جسٹس سےدرخواست ہے جوڈیشل کمیشن بنائیں۔ ہماری خواتین اب بھی جیلوں میں قید ہیں۔ میرے لیڈر عمران خان کی ہدایت پر اتوار کو خیبرپختونخوا میں بھرپور پرامن احتجاج ہوگا اور میں اسے خود لیڈ کروں گا۔

بانی چیئرمین عمران خان سے ملاقات کے لیے وزیر اعلیٰ خیبرپختونخوا علی امین گنڈا پور سخت سکیورٹی میں اڈیالہ جیل راولپنڈی پہنچے تھے۔

ملاقات میں خیبر پختونخواہ کی سیاسی صورتحال سمیت صوبائی کابینہ کے ناموں پر مشاورت کی گئی