پاکستان کا فلسطین پر اوآئی سی کے اجلاس کا خیر مقدم

اسلام آباد : پاکستان نے جدہ میں اسلامی تعاون تنظیم کےوزرائے خارجہ کی کونسل کےغیر معمولی اجلاس کا خیر مقدم کیا ہےا ور غزہ اور تمام مقبوضہ فلسطین میں شہریوں کےخلاف اسرائیل کے ظالمانہ حملوں کی مذمت کے بیان کی حمایت کی ہے۔

دفتر خارجہ کی ترجمان ممتاز زہرا بلوچ نے آج اسلام آباد میں ہفتہ وار بریفنگ میں کہا کہ پاکستان  جدہ میں اسلامی تعاون تنظیم کےوزرائے خارجہ کی کونسل کےغیر معمولی اجلاس کا خیر مقدم کرتا ہے ۔

 ترجمان دفتر خارجہ  نے کہا کہ وزرائے خارجہ کی کونسل نے قابض قوتوں کو غزہ میں جاری نسل کشی کا مکمل ذمہ دار ٹھہرایا ہے۔