جدہ مشرق وسطی کا پہلا بڑا صحت مند شہر قرار، عالمی ادارہ صحت

عالمی ادارہ صحت کی جانب سے جدہ کو مشرق وسطی کی سطح پر پہلا بڑا ’ صحت مند شہر‘ قرار دیا گیا ہے۔اخبار 24 کے مطابق نائب گورنر مکہ مکرمہ شہزادہ سعود بن مشعل بن عبدالعزیز کو وزیر صحت فہد الجلاجل نے عالمی ادارہ صحت کی جانب سے جاری کردہ ایکریڈیشن سرٹیفکیٹ حوالے کیا گیا ۔

اس موقع پر شہزادہ سعود نے کہا کہ رب کریم کے فضل وکرم اور مملکت کی اعلی قیادت کے دانشمندانہ اقدامات اور فیصلوں سے یہ کامیابی حاصل ہوئی،اس حوالے سے تمام شعبوں سے تعلق رکھنے والے بھی مبارک باد کے مستحق ہیں کہ انہوں نے ہر موقع پر مثالی تعاون کیا اور پرخلوص طریقے سے امور کو انجام دیا۔