وفاقی وزراء کو قلمدان سونپ دئیے گئے

وفاقی حکومت نے وفاقی کابینہ میں شامل وزراء کے قلمدانوں کا نوٹیفیکیشن جاری کر دیا ہے۔
نوٹیفیکیشن کے مطابق خواجہ آصف وزیر دفاع ہوں گے انہیں دفاعی پیداوار اور ہوا بازی کا بھی اضافی چارج ہو گا۔

 عطااللہ تارڑ کو وفاقی وزیراطلاعات ونشریات، قیصر شیخ وزارت میری ٹائم افیئرز ، احسن اقبال منصوبہ وترقی ،اویس لغاری ریلوے، ریاض پیرزادہ کو ہاؤسنگ کا وفاقی وزیر مقرر کیا گیا ہے ۔

سابق وزیر اعلیٰ پنجاب محسن نقوی وزیر داخلہ مقرر کر دیئے گئے ہیں ان کے پاس انسداد منشیات کا اضافی چارج ہوگا.

احد چیمہ وفاقی وزیر اقتصادی امور مقرر اور اسٹیبلشمنٹ کا اضافی چارج ہوگا، سینیٹر اسحاق ڈار کو وزیر خارجہ کا قلمدان دے دیا گیا، محمد اورنگزیب کو وزیر خزانہ اور ریوینیو مقرر کیا گیا ہے۔