حکومت کی تھوک اور پرچون فروشوں کو بھی ٹیکس نیٹ میں لانےتیاری

نو منتخب وزیر خزانہ محمد اورنگزیب کا ایف بی آر ہیڈ کوارٹر کا دورہ، حکام نے وزیر خزانہ کو ٹیکس وصولیوں پر بریفنگ دی۔آئی ایم ایف کے ساتھ اقتصادی جائزہ مذاکرات کےلئے تیاریوں کا بھی جائزہ لیا گیا۔

وزیر خزانہ محمد اورنگزیب نے کہا ک دوستوں سے رقم جمع کرانے اور رول اوور کرانے کا دور چلا گیا، بڑا اور طویل آئی ایم ایف پروگرام لینا چاہتے ہیں۔ آئی ایم ایف شرائط کی وجہ سے اعتماد کا فقدان ہے، وہ ہمیشہ پیشگی شرائط سے بھرپور پروگرام دیتے ہیں۔ کمرشل فنانسنگ لے گےاور بانڈز لانچ کریں گے۔

انہوں نے کہا کہ آئی ایم ایف والے جانتے ہں کہ لوگ 1،2 جائزوں اور رقم لینے کے بعد پروگرام سے بھاگ جاتے ہیں۔ حکومت نے تھوک اور پرچون فروشوں کوٹیکس نیٹ میں لانےکیلئےمنصوبہ تیارکیا ہے، ریئل اسٹیٹ اور زرعی آمدن پر بھی ٹیکس لگے گا۔ مہنگائی کم ہونے سے ہی سود کی شرح میں کمی آئے گی، نجکاری کے ایجنڈے پر بھی مکمل عملدرآمد کیاجائےگا۔

آئی ایم ایف پاکستان کےساتھ مذاکرات کیلئے مکمل تیارہے، عالمی مالیاتی ادارے کا مشن آج رات  پاکستان پہنچے گا، 1.1 ارب ڈالر کے اسٹینڈ بائی ارینجمنٹ سمیت 7 سے 8 ارب ڈالر کے نئے مالیاتی پیکیج پر بات چیت ہوگی۔