وزیر اعظم آج ٹیلیفون پرعوام کے سوالات کے جوابات دیں گے

تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم آج شام چار بجےبراہ راست عوام سے بات کریں گے، وزیراعظم سےعوام کی ٹیلیفونک گفتگو براہ راست نشرکی جائےگی۔

سینیٹر فیصل جاوید نے اپنے ٹوئٹ میں کہا کہ وزیراعظم کی عوام سےٹیلیفون پر براہ راست گفتگو کی چوتھی نشست ہوگی، آپ9224900-051پروزیراعظم سے بات کرسکتےہیں۔

یاد رہے تیسری نشست میں عوام سے براہ راست گفتگو میں وزیراعظم عمران خان نے کہا تھا کرونا کی پہلی اور دوسری لہر میں قوم نے پوری طرح تعاون کیا، پاکستان خوش قسمت ہے جو اچھی طریقے سے پہلی ،دوسری لہر سے نکلا،اللہ کا کرم ہے کہ ہم نے دونوں طرف سے لوگوں کو بچایا۔ 

وزیراعظم پاکستان عمران خان سے فون پر آپکی براہِ راست بات چیت کی چوتھی نشست کا وقت اب آج شام 4 بجے ہے - فون نمبر 0092519224900
پر وزیراعظم سے ڈائریکٹ بات کریں
وزیراعظم سے آپکی گفتگو ٹیلی ویژن، ریڈیو اور ڈیجیٹل میڈیا پر براہ راست نشر کی جائیگی#آپکا_وزیراعظم_آپکے_ساتھ pic.twitter.com/BN3xQaX9zm

— Senator Faisal Javed Khan (@FaisalJavedKhan) May 30, 2021

ان کا کہنا تھا کہ مافیاز کا مطلب ہے یہ وہ لوگ ہیں جوکرپٹ نظام سے فائدہ اٹھارہاہے ، یہ جو مافیا بیٹھا ہے وہ نہیں چاہےگاکہ ملک میں قانون کی بالادستی ہو، شوگرمافیا بھی نہیں چاہے گا، ادارے کام کرے یہ بھی کرپٹ نظام سے فائدہ اٹھا رہے ہیں۔

عمران خان نے مزید کہا تھا کہ انصاف کی جدوجہد لڑنے کیلئےتحریک انصاف بنائی تھی ، ہم کامیاب ہورہے ہیں ، اسٹیٹس کو اور مافیاز سے لڑرہےہیں ، قوم نےمیرے ساتھ کھڑے ہونا ہے ،اللہ نے مجھے لڑنے کی ٹریننگ دی ہے ، میں ان مافیاز سے لڑ کر اور جیت کر دکھاؤں گا۔

پانی کے مسئلے کے حوالے سے انھوں نے کہا کہ پانی کا مسئلہ سارے بڑے شہروں میں آنیوالا ہے جبکہ کراچی میں آچکا، لاہور میں راوی سٹی نہ بنایا تو یہاں بھی پانی کا مسئلہ شروع ہوجائے گا، شہر تیزی سے پھیل رہے ہیں ، جس سے سیوریج اور پانی کے مسئلے بڑھ رہےہیں، سارے شہروں کے ماسٹر پلان بنائےجارہےہیں، اسلام آباد میں پانی لانے کیلئے پوری پلاننگ کرلی گئی ہے۔