غیر آئینی حکومت نے آئین و قانون کو پامال کرتے ہوئے اسمبلی میں بلز پیش کئے، بیرسٹر گوہر

پاکستان تحریک انصاف ( پی ٹی آئی) کے چیئرمین بیرسٹر گوہر نے کہا ہے کہ قانون سازی پارلیمان کا حق ہے مگر اسمبلی کے قوانین کے تحت قانون سازی کرنی ہوتی ہے۔ آج اس غیر آئینی حکومت نے آئین و قانون کو پامال کرتے ہوئے اسمبلی میں بلز پیش کئے۔

پی ٹی آئی کے چئیرمین بیرسٹر گوہر اور اسد قیصر کے ساتھ میڈیا سے گفتگو کرتے ہوئے عمر ایوب نے کہا کہ مقاصد پورے کروانے کے لیے چیف الیکشن کمشنر کو لولی پاپ دیا گیا، قومی اسمبلی میں قانون کا مطالعہ کرنے کا موقع نہیں دیا، یہ دن دیہاڑے ڈاکا مار رہے ہیں، کسی کو نہیں معلوم یہ کیا ترامیم کرنا چاہ رہے ہیں  قومی اسمبلی میں وزیرقانون نے کوئی تسلی بخش جواب نہیں دیا، قانون کا مطالعہ کرنے کا موقع نہیں دیا، یہ دن دیہاڑے ڈاکا مار رہے ہیں۔

اپوزیشن لیڈر نے کہا کہ مسلم لیگ ن پیپلز پارٹی کی پیٹھ میں چھرا گھونپ رہی ہے، اسمبلی میں کیا ترامیم کرنے جارہے ہیں کسی کو پتہ نہیں، فارم 47 کی پیداوار والے کیا ترامیم کریں گے، وزیر قانون نے کہا آئی ایم ایف آیا ہوا ہے اس لیے ترامیم کررہے ہیں، علی امین گنڈا پور وزیراعظم کے پاس صوبے کے حقوق کے لیے گئے۔الیکشن کمشنر کو کینیڈا میں سفیر بنانے کا کہا جا رہا ہے اور بدلے میں اپنے مقاصد پورے کروائے جا رہے ہیں۔

قانون سازی پارلیمان کا حق ہے مگر اسمبلی کے قوانین کے تحت قانون سازی کرنی ہوتی ہے - آج اس غیر آئینی حکومت نے آئین و قانون کو پامال کرتے ہوئے اسمبلی میں بلز پیش کئیے رولز تو یہ ہے کہ جو قانون آپ اسمبلی میں پیش کرنا چاہ رہے ہیں 3 دن پہلے وہ تمام اسمبلی کے ممبران کے نوٹس میں لانا… pic.twitter.com/9K82FxRwvi

— PTI (@PTIofficial) March 15, 2024

پی ٹی آئی چئیرمین بیرسٹر گوہر نے میڈیا سے بات چیت میں کہا کہ قانون سازی پر پارلیمان کا حق ہے، حکومت نے پہلے دن ہی رولز سے ہٹ کر قانون سازی کی ابتدا کی، جس قانون میں ترمیم کرنا چاہتے ہیں وہ سب ممبران کے سامنےلائیں، غیرقانونی عمل سے آرڈیننس میں ترامیم کرائی گئی۔، رولز تو یہ ہے کہ جو قانون آپ اسمبلی میں پیش کرنا چاہ رہے ہیں 3 دن پہلے وہ تمام اسمبلی کے ممبران کے نوٹس میں لانا ضروری ہے تاکہ وہ ممبران اپنی اپنی رائے دے سکیں آج جو آرڈیننس پیش کی گئی یہ غیر آئینی و غیر قانونی ہے

سابق اسپیکر قومی اسمبلی اسد قیصر کا کہنا تھا کہ پارلیمنٹ مجلس شوریٰ ٹائپ کی کوئی چیزبن گئی ہے، واضح کردینا چاہتا ہوں ہم مزاحمت کریں گے، لمبا سفر ہے ہم آگے تک جائیں گے، مزاحمت کے لیے خود کو تیار کررہے ہیں، یہ پنجاب سے بھی ن لیگ کو سیٹیں دینا چاہتے ہیں، ہم مشترکا اجلاس میں بھرپور احتجاج کریں گے، روڈ اور اسمبلی میں بھی مقابلہ کریں گے، یہ غلط فہمی دور کرلیں ہم نہ ڈریں گے نہ پیچھے ہٹیں گے، اگر یہ کسی کی ناکامی ہے تو یہ الیکشن کمیشن کی ہے۔

ان کا مزید کہنا تھا کہ اپوزیشن لیڈر کا اعلان کرنے میں اسپیکرجان بوجھ کر تاخیر کررہے ہیں، جو وزیر اعظم کےالیکشن میں ہار گیا وہ اپوزیشن لیڈربنتا ہے، جس کو ایم این اے بننا ہے وہ الیکشن کمیشن کو پیسے وغیرہ دے، یہ منتخب ہاؤس نہیں ہے، یہ قانون کی بدترین خلاف ورزی کررہے ہیں، ان کا اگلا ٹاسک ن لیگ کو 20 سیٹیں اور دینا ہے۔