سوئی ناردرن نے بھی گیس کی قیمتوں میں مزید اضافہ مانگ لیا

سوئی سدرن کے بعد سوئی ناردرن نے بھی گیس کی قیمتوں میں مزید اضافہ مانگ لیا۔

سندھ اور بلوچستان کے بعد پنجاب اور خیبرپختونخوا کیلئے بھی گیس مہنگی کرنے کی تیاری کر لی گئی۔ سوئی ناردرن گیس پائپ لائن لمیٹڈ (ایس این جی پی ایل) نے اوگرا کو گیس کی قیمت میں 147 فیصد تک مزید اضافے کی درخواست دے دی۔

کمپنی نے قیمت میں 2 ہزار 646 روپے 18پیسے فی ایم ایم بی ٹی یو اضافے کی درخواست کرتے ہوئے نئی اوسط قیمت 4446.89 روپے مقرر کرنے کی استدعا کی ہے۔

سوئی ناردرن نے 189 ارب 18 کروڑ روپے ریونیو شارٹ فال کا تخمینہ لگایا ہے، اوگرا سوئی ناردرن کی درخواست پر 25 مارچ کو لاہور میں سماعت کرے گی، اوگرا کے مطابق 27 مارچ کو پشاور میں بھی سماعت کی جائے گی۔

درخواست منظور ہونے کی صورت میں گیس کی قیمت میں اضافے کا اطلاق یکم جولائی سے ہوگا۔اوگرا سوئی ناردرن کی درخواست کی سماعت 25 مارچ کو لاہور میں کرے گا جب کہ اپیل کی سماعت 27 مارچ کو پشاور میں بھی ہوگی۔

واضح رہے کہ سوئی سدرن ایس ایس جی سی نے گیس کی قیمت میں مزید 274.40 روپے فی ایم ایم بی ٹی یو اضافے کی درخواست بھی اوگرا کو جمع کرائی ہے۔ سوئی سدرن کے بعد ناردرن نے بھی گیس کی قیمت میں مزید 147 فیصد اضافے کا مطالبہ کر دیا۔