پاکستان اورآئی ایم ایف کے درمیان مذاکرات کا فائنل راؤنڈ آج ہو گا

پاکستان اور عالمی مونیٹری فنڈ(آئی ایم ایف) کے درمیان مذاکرات کا فائنل راؤنڈ آج ہو گا۔

مذاکرات کی کامیابی کے نتیجے میں پاکستان کو ایک ارب 10 کروڑ ڈالر کی قسم ملے گی۔ گزشتہ 4 روز سے جاری مذاکرات کو آج حتمی شکل دے کر میمورنڈم آف اکنامک اینڈ فنانشل پالیسیز کا مسودہ تیار کیا جائے گا۔

ذائع کے مطابق آئی ایم ایف نے سرکاری افسران کے اثاثے ظاہر نے کے طریقے اور ایسٹ ڈیکلریشن بارے بریفنگ مانگ لی۔سرکاری افسران کے ایسٹ ڈیکلریشن کا معاملہ اور صوبوں کے ساتھ مذاکرات آج شیڈول ہیں، وفد کیساتھ پینشن اور ویجز، کلائمیٹ فنانسنگ، مانیٹری پالیسی، آئندہ بجٹ پر مذاکرات ہونگے۔

آئی ایم ایف وفد صوبوں کیساتھ فسکل آپریشن، ڈیٹ، کموڈیٹی سکیم پر مذاکرات کرے گا، وفد معاشی ٹیم سے صحت اور تعلیم پر اخراجات، ریونیو اقدامات پر مذاکرات کرے گا۔ فاریکس مارکیٹ، بجٹ پراسس میں تبدیلیوں، ادارہ جاتی ریفارمز پر بھی بات ہوگی، رئیل اسٹیٹ، افسران کے ایسٹ ڈیکلریشن، اینٹی منی لانڈرنگ پر بھی مذاکرات شیڈول ہیں۔

ذرائع کے مطابق آئی ایم ایف وفد کیساتھ مذاکرات آج مکمل نہ ہوئے تو منگل کو مختصر مذاکرات ہوں گے، وفد نے ابھی تک ایکسٹرنل فنانسنگ کے روڈ میپ پر عدم اطمینان ظاہر کیا ہے۔

واضح رہے کہ آئی ایم ایف وفد نے ادارہ جاتی اصلاحات کا پراسس سست ہونے پر بھی عدم اطمینان کا اظہار کیا ہے، دیگر اقدامات سے آئی ایم ایف ابھی تک مذاکرات میں مطمئن ہے۔